Ѕвездата на американската кошаркарска репрезентација Кевин Дурент е најплатениот учесник на Олимписките игри во Токио, пишува списанието Форбс, подготвувајќи рејтинг на спортистите според овој индикатор.
Приходот на 32-годишната врвна sвезда од НБА лигата за изминатата 2020 година се проценува на 75 милиони долари. Тој ќе учествува на Олимписките игри по трет пат во кариерата, откако го освои олимпиското злато во 2012 и 2016 година. Второто место во рангирањето на најскапите sвезди на Олимписките игри е за претставничката на Јапонија Наоми Осака. Нејзините приходи за 2020 година се во износ од 60 милиони долари. Третото место на рангирањето е за друг американски кошаркарски репрезентативец – Демиен Лилард, чии приходи се 40,5 милиони долари.
Следат српскиот тенисер Новак Ѓоковиќ со 34,5 милиони, британскиот голфер Рори Мекилрој со 32 милиони, американскиот кошаркар Девин Букер и јапонскиот тенисер Кеј Нишикори со по 30,5. По нив следат уште двајца членови на кошаркарската репрезентација на САД – Мидлтон со 27 милиони и Холидеј со 23 милиони.
Олимписките игри во Токио, започнуваат на 23-ти овој месец и ќе завршат на 8-ми август.