Луѓето од екипата на Хјундаи не се загрижени од фактот дека нивната нова „WRC“, ѕвезда Себастијан Лоб, речиси без тестирање на возилото наречено – „i20“, ќе стартува на митингот во Монте Карло. Договорот за соработка меѓу компанијата и возачот од Франција беше потпишан во текот на изминатата недела.
Леб во наредната сезона ќе го вози третиот автомобил на Хјундаи заедно со Дани Сордо. Деветкратниот рели шампион ќе има шанса да го тестира возилото –„i20“ откако ќе заврши релито Дакар 2019 или на само неколку дена пред стартот на официјалниот „WRC“ шампионат.
„Нема решение за настанатата ситуација. Леб ќе го тестира автомобилот на само еден викенд пред трката. Тој нема да знае детали за возилото, но, веруваме дека неговото големо искуство ќе му помогне на специфичната патека во Монте Карло” – стои во дел од соопштението на Хјундаи.