Шарл Леклер ја потврди својата врвната форма, но и подготвеноста на својот болид и победи на трката за ГН на Австралија. На патеката „Алберт парк“, возачот од Ферари доминантно стигна до победата, со одлично возење без ниту една грешка, а со најбрзиот круг на трката освои и дополнителен бод.
Неговиот главен конкурент Макс Верстапен мораше предвреме да ја заврши трката поради проблеми со болидот, но и покрај тоа не беше конкурентен.
По откажувањето на Верстапен, втората позиција му припадна на тимскиот колега Серхио Перез, додека до подиум стигна возачот на Мерцедес, Џорџ Расел кој дојде до првиот подиум во новиот тим оставајќи ги сонароднаците Луис Хамилтон и Ландо Норис зад себе. Шестото место му припадна на Рикиардо, а во топ десет се пласираа уште Естебан Окон, Валтери Ботас, Пјер Гасли и Алекс Албон.
Во генералниот пласман по три трки очекувано е Шарл Леклер со 71 бод, на втората позиција се наоѓа Џорџ Расел со 37, додека трет е Карлос Саинц. Шампионот Верстапен остана на 25 поени од победата во Џеда, бидејќи ова беше негово второ откажување сезонава.
Следната трка е за две недели, а се вози за ГН на Емилија Ромања во Имола.