Англиската престолнина Лондон ќе поднесе кандидатура за домаќин на Светското првенство во атлетика во 2029 година, потврдија организаторите, со најавата објавена во позадина на 45-от Лондонски маратон.
Новоформираниот конзорциум, Athletic Ventures – партнерство помеѓу UK Athletics (UKA), Great Run Company и London Marathon Events – ја заврши физибилити студијата пред поднесувањето на формално Изразување на интерес до Светската атлетска федерација во септември.
Предложената понуда е условена со обезбедување 52,5 милиони евра владино финансирање. Заедничката изјава на британската атлетска асоцијација градоначалникот Садик Кан и Атлетик Венчрс на Британија, предвидува дека економското и социјалното влијание од организацијата на шампионатот би можело да биде и над 467 милиони евра. Доколку биде успешна, Лондон ќе биде домаќин на настанот за првпат од 2017 година, кога секоја сесија на стадионот во Лондон беше распродадена – подвиг што останува репер во атлетскиот спорт.

