Во период од само 13 минути, Шпанија освои уште две нови златни медали на Светското атлетско првенство во Будимпешта. На трката на 35 километри во брзо одење, Шпанците имаа двоен успех. Марија Перез освои злато во женска, додека Алваро Мартин го обедини златото во машка конкуренција. Овие шпански атлетичари на првиот ден на атлетскиот шампионат во Будимпешта ги освоија златните медали и на трката на 20 километри брзо одење.
Перез до златото на 35 километри дојде со време од 2 часа, 38 минути и 40 секунди што е нов рекорд на светските првенства, додека времето на „златниот“ Мартин беше 2:24:30 часа, што е нов рекорд во Шпанија и деветти најдобар светски резултат низ историјата.
Подиумот кај дамите го комплетираа Перуанката Кимберли Гарсија Леон и грчката атлетичарка Антигони Дрисбиоти, додека кај мажите втор заврши Еквадорецот Даниел Пинтадо, додека трет беше Јапонецот Масатора Кавано.