Лидерот на тениската АТП листа, Новак Ѓоковиќ остана без медал на ЛОИ во Токио откако во битката за бронза загуби од Пабло Карено-Буста со 2:1 во сетови (6:4, 6:7 и 6:3). На стартот на третиот сет Србинот пропушти шанса за брејк и во афектна состојба го фрли рекетот на трибините. Ѓоковиќ по поразот се повлече од мечот за бронза во мешани двојки. Тој и неговата партнерка Нина Стојановиќ требаше да играат со Ешли Барти и Џон Пирс од Австралија.
Хрватска ја доби дерби пресметката со Србија во претпоследното коло од групната фаза на олимпискиот турнир во ватерполо. „Коцекестите“ славеа со 14:12 и го заверија второто место во групата Б со три победи додека Србија од третата позиција ќе оди во четвртфиналето
Кошаркарската репрезентација на Италија ја совлада Нигерија со 80:71 во групата Б и на тој начин си обезбеди пласман во четвртфиналето на кошаркарскиот турнир во Токио. Франција без проблеми го совлада Иран со 79:62 и со максимални три победи го заврши настапот во групата.