Швајцарката, Корин Сутер, го освои златниот медал во спуст на ЗОИ во Пекинг. Таа на патеката во Јанкинг центарот оствари време од 1:31.87 минута. Среброто и припадна на Софија Гоџа од Италија која доцнеше 16 стоти делови од секундата додека бронзениот медал сензационално заврши на градите на Наџа Делаго од Италија.
Претставникот на домаќините, Имин Су, триумфираше во машки сноуборд на Олимпијадата во Пекинг. За 17-годишниот Су тоа е втора награда на Игрите откако на 7 февруари заврши втор во слоупстајл. Монс Росланд (Норвешка) денеска го освои среброто додека бонзата му припадна на Макс Паро (Канада).
Австриската сноубордерка Ана Гасер ја одбрани титулата во Биг Ер на Олимписките игри во Пекинг. 30-годишната олимпијка ги победи Зое Садовски (Нов Зеланд) и Кокомо Муразе (Јапонија) кои завршија на второто и третото место.
Во последниве 24 часа има само еден нов случај на инфекција со Ковид-19 објавија организаторите на Олимпијадата во кинескиот главен град Пекинг.Позитивниот тест е на акредитирано лице од затворениот балон. Тоа значи дека од 23 јануари вкупниот број на позитивни тестови за коронавирус на Олимписките игри се зголеми на 433.