Норвешките натпреварувачи го освоија златниот медал во крос-кантри во екипен спринт на Зимските олимписки игри во Пекинг. Ерик Валнес и Јоханес Клебо победија со резултат 19:22.99 минути. Финците, Ливо Нисканен и Јони Мјаки, го освоија сребрениот медал додека руските натпреварувачи Александар Болшунов и Александар Терентјев се искачија на третото место на пиедесталот.
Германија ја освои олимписката титула во женскиот тимски спринт (класичен стил) на Игрите во Пекинг. Катарина Хениг и Викторија Карл имаа одличен финален спринт. Швеѓанките Маја Далквист и Јона Сандлинг завршија втори. Бронзените медали им припаднаа на Јулија Ступак и Наталија Непрјаева од рускиот олимписки комитет.
Репрезентацијата на Финска стигна до бронзениот медал на женскиот хокеарски турнир на Зимските олимписки игри во Пекинг. Финките во малото финале беа подобри од Швајцарија со 4-0. На женскиот турнир останува финалето меѓу Канада и САД кое ќе биде одиграно во текот на ноќта по средноевропско време.