На спортистите од Русија и Белорусија им е забрането да се натпреваруваат на претстојните Параолимписки игри во Пекинг, еден ден откако првично беше објавено дека ќе можат да се натпреваруваат, но под неутрално знаме, објавија светските агенции.
Поради улогата на двете земји во воениот конфликт во Украина, спортистите од Русија и Белорусија се отстранети од спортскиот форум во кинеската престолнина, објави Меѓународниот параолимписки комитет (ИОК). Поништувањето на одлуката доаѓа помалку од 24 часа по објавувањето во средата. Денес беше објавено дека многу спортисти најверојатно ќе одбијат да се натпреваруваат против спортисти од Русија и Белорусија, што би предизвикало хаос на Параолимписките игри и ќе му наштети на угледот на натпреварувањето.
Претседателот на Параолимпискиот комитет, Ендрју Парсонс, пред некој ден изјави дека сочувствува со украинскиот народ, но неговите постапки биле диктирани од правилата на организацијата и стравот од правна постапка. Тој го кажа речиси спротивното: „Во последните 12 часа не контактираа огромен број членови. Ни беше кажано дека ако не ја преиспитаме одлуката, најверојатно ќе има сериозни последици“, рече Парсонс.
На овој начин, Меѓународниот параолимписки комитет се приклучи на спортови како фудбал, атлетика, кошарка, хокеј и многу други, со што се наметна целосна забрана за настап на спортисти од Русија и Белорусија. Зимските параолимписки игри започнуваат во петок 4 март и ќе траат до 13 март.