Со денешните квалификации во Оберсдорф, најдобрите ски-скокачи во Германија и Австрија ги почнуваат настапите на годинашното издание на новогодишната турнеја „4 скокалници“. Полјакот Давид Кубачки ќе пристигне како прв фаворит, откако освои четири победи во Светскиот куп оваа сезона.
Јапонецот Кобајаши минатата година за малку не успеа да стане првиот човек кој обезбедил две последователни победи на турнејата со триумфи на сите скокалници. Годинава очигледно конкуренцијата ќе биде поизразена и останува да видиме кој може да му се приклучи на Кубачки во трката за победата.
Утре во Оберсдорф е првиот официјален натпревар, по што турнејата се сели на првиот ден од новата година во Гармиш-Партенкирхен. Последните две скокалници се во Австрија. На 4 јануари скокачите ќе бидат во Инсбрук, Австрија, додека на 6 јануари завршницата е во Бишофсхофен.