Алан Прост кој четири пати беше светски шампион во Формула 1 а сега работи како советник во Рено, вели, дека францускиот тим го очекуваат подобри денови бидејќи од наредната година нема да соработува со Ред Бул.
Иако Рено и Ред Бул успеаа да освојат четири титули во серија, со воведувањето на В6 турбо-хибридните мотори, започна доминацијата на Мерцедес.Токму тоа беше главната причина Ред Бул да го обвини Рено дека не му испорачува квалитетни мотори. Од наредната сезона, Ред Бул ќе започне соработка со Хонда а Рено ќе може да се насочи во сосема друг правец. Тоа според Прост ќе му ја олесни работата на тимот.
„Нема да бидеме несреќни што тие ќе си заминат. Од наредната година ќе работиме во помирни услови“ – вели некогашниот шампион во Ф1.