Шпанскиот возач од тимот на КТМ, Пол Еспаргаро ја освои пол позицијата и ќе тргне од првата позиција на трката за ГН на Европа која на патеката во Валенсија ќе се вози утрр.
Пол Еспаргаро сосема заслужено заврши на првата позиција и откако зад себе ги остави своите конкуренти утре за прв пат на стартот ќе ја има првата позиција во МотоГП кариерата.
Зад Еспаргаро завршија Алекс Ринс од Сузуки и Такаки Накагами од Хонда, а потоа следеа Зарко, Мир, Милер, Алеикс Еспаргаро, Оливера и Морбидели.

На МотоГП патеките се врати и Валентино Роси, но возачот на Јамаха ќе тргне дури од 18-тото место на утрешното натпреварување. Трката за ГН на Европа се вози утре (недела) од 14:00 часот на патеката во Валенсија.

