Возачот на Хонда, Марк Маркез, постигна уште една победа во Мото ГП шампионатот откако беше најбрз на денешната трка во „кралската класа“ возена на патеката во Шпанија.
Втората позиција му припадна на Андреа Довициозо со моторот на Дукати додека третото место на подиумот го пополни Андреа Јаноне со неговото Сузуки. Алекс Ринс заврши четврти пред Педроса и Еспаргаро, седми беше Петручи додека Роси успеа да се избори за осмото место.
Шпанецот, Маркез, води во генералниот пласман со 246 бодови пред Довициозо со 174 и Валентино Роси кој има 159. До крајот на шампионатот остануваат уште пет трки.