Одборот за хартии од вредност на Тексас започна истрага против суперѕвездата на Голден Стејт Вориорс, Стивен Кари и други познати личности кои ја промовираа компанијата за криптовалути FTX.
Пред еден месец, третата по големина берза за криптовалути во светот FTX поднесе барање за банкрот откако повеќе не можеше да ги исполни барањата за повлекување на клиентите.
Познатите личности веќе мораа да се справат со последиците од промоцијата на фирмите за криптовалути. Ким Кардашијан мораше да плати 1,26 милиони долари затоа што не откри дека нејзината објава на социјалните мрежи за промовирање криптовалута е платена.
Покрај Кари, со FTX соработуваа и познати личности како бекот на НФЛ Том Брејди, тениската ѕвезда Наоми Осака, комичарот Лери Дејвид, Кардашијан и други. Бекот на Голден Стејт двапати е обвинет во тужбата за промовирање на банкротираната компанија.