Се ближи крајот на ЕП во одбојка. Денеска на програмата се полуфиналните натпревари кои ќе ни ги дадат патниците во финалето, односно селекциите кои ќе се борат за титулата – Европски шампион.
Првото полуфинале се игра од 18 часот, а во него играат Полска и Словенија, според досега виденото на ЕП, може слободно да се каже дека ова ќе биде натпревар со „атомска“ одбојка. Ништо по неитересен нема да биде и вториот полуфинален натпревар меѓу домашната селекција на Италија и Франција кој се игра во 21.15 часот.
Трката за медал вечерва ќе ни донесе два исклучитено атрактивни натпревари и можност за уживање за љубителите на одбојката.
Македонија беше дел од ова ЕП и во конкуренција на 24 селекции го освои 16-тото место што е најдобар пласман досега на нашиот национален тим.