Формула 1 се пресели на друг континент. Викендов најдобрите возачи во овој спорт се во САД, каде на улиците на Мајами во Флорида се одржува трката за Големата награда на САД, а квалификациите се одржаа синоќа. Според нив може да очекуваме интересна трка и многу драма на патеката.
Квалификациите беа прекинати на две минути пред крајот откако возачот на Ферари, Шарл Леклер излета од патеката, судиите веднаш покажаа црвено знаме и во тој момент беа регистрирани постигнатите резултатите на возачите. Истите резултати направија да имаме интересен стартен состав на денешната трка. Пол-позицијата му припадна на Серхио Перез во Ред Бул, а со Мексиканецот во првиот стартен ред ќе биде и искусниот Фернандо Алонсо со Астон Мартин.
Вториот стартен ред го сочинуваат Карлос Саинц во Ферари и Кевин Магнусен во Хас. Од петтата и шестата позиција ќе стартуваат Пјер Гасли од Алпина и Џорџ Расел во Мерцедес. Седмото и осмото место му припадна на Шарл Леклер, кој ја предизвика паузата со своето излетување со болидот на Ферари, а до него ќе биде Естебан Окон.
Лидерот во шампионатот и актуелен светски шампион, Макс Веерстапен во болидот на Ред Бул, ќе стартува од деветтата позиција. Верстапен извозе само еден круг во кој направи грешка и немаше шанса да ја поправи, бидејќи квалификациите беа прекинати. Трката за ГН на САД низ улиците на мајами се вози вечерва, а стартот е во 21.30 часот.