Макс Ферстапен ја освои 36.пол-позиција во кариерата. Актуелниот шампион беше најбрз во квалификациите пред трката за ГН на Јапонија. Најбрзиот круг на Холанѓанецот на патеката во Сузука беше 1:28.197 минути.
Веднаш до Ферстапен, од првиот ред на утрешната трка ќе започне неговиот тимски колега Серхио Перез. Мексеканецот задоцни за 66 илјадити делови од секундата.
Останатите возачи беа далеку зад пилотите на Ред Бул. Трет во квалификациите заврши Ландо Норис од Мекларен, а до него трката ќе ја стартува возачот на Ферари, Карлос Саинц.
Во квалификациите во Топ 10 завршија: Фернандо Алонсо (Астон Мартин), Оскар Пјастри (Мекларен), Луис Хамилтон (Мерцедес), Шарл Леклер (Ферари), Џорџ Расел (Мерцедес) и Јуки Цунода.
Трката за Големата награда на Јапонија, в недела ќе започне во 7 часот по македонско време.

