Петра Влхова oд Словачка е олимписка шампионка во слалом на ЗОИ во Пекинг. Таа имаше фантастична втора трка и успеа да ја надополни негативата која ја имаше по првата трка кога беше дури осма по првото возење, но во второто блескаше и на крај имаше најдобро време на патеката (1:44,98).
Освојувачката на минатогодишниот Кристален глобус, стигна до својот прв олимписки медал, и тоа златниот, во нејзината омилена дисциплина, во која досега има остварено 17 победи во Светскиот куп.
Веднаш зад Влхова се пласираше Катарина Линцбергер од Австрија која имаше осум стотинки заостанување зад победничката. Бронзата ѝ припадна на Венди Холденер од Швајцарија со заостанување од 12 стотинки од Влхова. За неа ова е четврти олимписки медал, а на претходните ЗОИ во Пјонгчанг го освои среброто во слалом. Изненадување беше тоа што големиот фаворит Микаела Шифрин не ја заврши трката, поради пад уште во првата трка.