Тренерот на фудбалерите на Манчестер Сити, Пеп Гвардиола, ги негираше шпекулациите низ медиумите дека е заинтересиран за играчот на Јувентус, Миралем Пјаниќ. „Никогаш не сум размислувал за Пјаниќ, тој е добар играч. На неговата позиција имам квалитетни фудбалери и затоа немам намера да испратам понуда за него. Ќе видиме дали ќе купиме уште нови играчи во текот на летово“ – вели шпанскиот стратег кој успеа да го ангажира Ријад Марез. Што се однесува до Пјаниќ, челниците на Јувентус се расположени да го ослободат од обврските доколку некој плати 100 милиони евра.
Author: dino
Бразилецот, Малком, кој во последен миг ја „извиси“ италијанската Рома и се определи да стави потпис на договорот со Барселона, изјави, дека полека му се исполнува сонот да заигра во голем состав. Тој во последното интервју посочи дека ќе даде се од себе за да ја оправда довербата. „Ова е уникатно искуство и многу сум среќен. Дојдов во најдобриот клуб на светот и се надевам дека ќе ги направам среќни нашите навивачи. Среќен сум и ќе направам се за да им помогнам на соиграчите“ вели Малком. „Тешко може да се опише како се чувствувам. Ми се исполни сонот од детството“…
Англискиот фудбалски состав, Вулверхемптон, го претстави новото засилување, Жоао Мутињо, кој за скромни 5 милиони фунти го напушти тимот на Монако и се пресели во екипата која ќе игра во Премиер лигата. Одличниот креатор од средината на теренот сега ќе работи под диригентската палка на неговиот сонародник, Еспирито Санто, кој на времето седеше на клупата на Порто. 31-годишниот Мутињо беше еден од најдобрите во редовите на Монако кога пред две сезони се израдува на шампионската титула во Франција.
Фудбалерите на Шкендија доколку го поминат тимот на Шериф од Молдавија ќе треба да се соочат со Салцбург од Австрија во третото елиминациско коло во Лигата на шампионите. Така сакаше денешната ждрепка во седиштето на УЕФА во Нион. Македонскиот првак утре на Арената во Скопје ќе го одигра првиот меч со Шериф а реваншот ќе биде по седум денови на теренот во Молдавија. Доколку Шкендија излезе како вкупен победник од тој двомеч, тогаш четата на Османи ќе има навистина тешка задача против австрискиот состав кој има богата традиција во европските купови.
Шведскиот голман, Робин Олсен, од екипата на Копенхаген, ќе биде замена за Алисон на голот на Рома. Спортскиот директор на „волчицата”, Мончи, се согласил да му исплати на данскиот тим 11,5 милиони евра иако првичните побарувања беа 16 милиони. 28-годишниот голман уште денеска ќе пристигне во Рим за да ги направи задолжителните медицински прегледи и потоа да потпише со Рома. Швеѓанецот имаше блескави партии во дресот на „викинзите“ на СП 2018 во Русија кога неговата селекција влезе во 1/4 финалето. Олсен има одиграно 23 натпревари за шведскиот национален тим како и 99-ет за Копенхаген. Тој во 2016 година го напушти…
Тренерот на кошаркарите на Сан Антонио, Грег Поповиќ, се надева дека ќе најде ефикасен начин за паралелно да ги извршува обврски кај „Спарси“ и во репрезентацијата на САД. Искусниот стратег го наследи Мајк Кжижевски а неговото деби ќе биде догодина на Светското во Кина. „Кога ќе достигнете одредена возраст, луѓето се прашуваат колку ќе можете да направите. Кжижевски најде начин да ја комбинира работата во Дјук со таа во репрезентацијата. Работеше на двете места. Се надевам дека ќе можам да го повторам неговиот успех ” – рече Поповиќ. 69-годишниот тренер седи на клупата на Сан Антонио од 1996 година. Неговиот…
Претседателот на фудбалскиот состав Реал Мадрид, Флорентино Перез, по заминувањето на Кристијано Роналдо во Јуве, изјави, дека ќе направи се што е можно за да обезбеди големо име во летниот трансфер период. „Ние ги ангажиравме Одриозола и Жуниор, кој не освои со магија и одличните дриблинзи. Тоа е патот на Реал, да купува млади играчи и од нив да направи големи ѕвезди“ – вели Перез. Засега прва опција за „кралевите“ е играчот на Челзи и на селекцијата на Белгија, Еден Азар, иако се споменуваат и имињата на: Роберт Левандовски, Пауло Дибала, Хари Кејн или Деле Али.
Шпанецот, Рафаел Надал, сo 9.310 поени останува на челната позиција на АТП листата. Веднаш зад него е Роџер Федерер од Швајцарија со 7.080 додека Александар Зверев (Русија) има 5.665 поени. Во Топ 10 влегуваат и : Хуан Мартин дел Потро со 5.395 поени, Кевин Андерсон со 4.655, Григор Димитров со 4.610, Марин Чилиќ со 3.905, Доминик Тим со 3.665, Џон Иснер со 3.490 и Новак Ѓоковиќ со 3.355 поени. Во првите десет единствена промена е прогресот на Доминик Тим кој се проби на осмото место додека Американецот, Џон Иснер, се спушти на деветото.
Фудбалскиот состав, Сампдорија, објави дека го ангажирала голманот, Рафаел Кабрал, со слободен трансфер. Досега Бразилецот го носеше дресот на Наполи, но, откако неговиот договор со клубот заврши, тој се одлучи да си замине. Затоа популарните, „морнари“, успеаа да го ангажираат без надомест. Рафаел кој беше доведен во Сан Паоло во 2013 година, во наредната сезона одигра 23 натпревари во Серијата „А“, но, со враќањето на Пепе Реина, повторно седна на клупата. Во наредниот период одигра само два меча. Сампдорија иако на официјалниот сајт ја објави веста за ангажманот на Кабрал, сепак, не наведе за колкав период ќе биде соработката и…
Фудбалерот на Монако од средниот ред, Жоао Мутињо, ќе го напушти „кнежевството“ и ќе се пресели во редовите на Вулверхемптон, објави новинарот Тим Неш преку неговиот профил на – „Твитер“. Трансферот во Англија ќе биде вреден околу пет милиони фунти а играчот ќе потпише договор за две години. Мутињо кој има одиграно 113 мечеви за Португалија беше дел и од селекцијата која го освои европското првенство пред две години. 31-годишниот фудбалер во изминатата сезона одигра вкупно 44 натпревари за Монако со ефект од еден гол и седум асистенции.
