Поранешниот фудбалер на Интер, Адриано, верува дека „нероаѕурите“ може да ја освојат титулата во Серија „А“ иако во досегашниот дел од шампионатот има неколку екипи што се наметнуваат за првото место. Бразилецот кој одигра 123 средби за италијанскиот состав и постигна 48 голови, вели дека Интер го има потребниот квалитет да се бори за шампионскиот пехар. „Добро се одвива сезоната, Интер игра атрактивен фудбал и има одлични поединци во нападот“ – вели Адриано.
Author: dino
Јувентус и фудбалерот, Пол Погба, дефинитивно ќе се разделат спогодбено, тврдат дел од медиумите во Италија. Французинот иако сакаше да остане во Торино откако ќе ја одлежи суспензијата поради допинг, тоа сепак нема да се случи. Според одредени информации, Погба може да замине на друг континент бидејќи има понуди од С. Арабија и САД.
Напаѓачот, Дарвин Нуњез, верува дека Ливерпул може да остане во трката за титулата во фудбалската Премиер-лига на Англија. Неговиот тим во моментов ја има челната позиција со пет бодови предност во однос на шампионот, Манчестер Сити. „Треба да останеме фокусирани, рано е да зборуваме за титули. Сега треба да размислуваме за секој меч“ – вели напаѓачот од Уругвај.
Екипата на Торонто која настапува во НХЛ лигата, објави дека Макс Пациорети поради повреда ќе отсуствува извесен период од замрзнатите терени. 35-годишниот хокеар доживеа повреда на ногата на мечот со Монтреал. Тестовите покажале дека не се работи за скршеница. Тој во тековнава сезона има два гола и четири асистенции на вкупно 13 натпревари. Бројките велат дека Пациорети кој цели 17 сезони игра во НХЛ, има вкупно 332 гола и 342 асистенции.
Челниците на Баерн Минхен имаат намера да ја прекинат соработката со фудбалерот, Ерик Даер, кој беше купен од Тотенхем, велат денешените информации во медиумите. Англискиот играч за врска нема да добие понуда за нов договор. Тој се појави на седум мечеви како стартер а на седумнаесет влезе од клупата за резерви. Неговиот договор со германскиот состав ќе истече на крајот на сезоната. Даер во јануари ќе можен да преговара со други клубови за евентуален трансфер.
Жорди Алба не е задоволен од плеј-оф системот во американската МЛС фудбалска лига откако неговиот тим Интер Мајами, беше елиминиран уште во првото коло од Атланта Јунајтед. Интернационалецот од Шпанија вели дека станува збор за долгогодишна традиција но, дека треба да се менува. „Да беше до мене, би направил шампионот на едната конференција да игра против најдобриот од другата“ – беа зборовите на дефанзивецот. Тој му се приклучи на тимот во 2023 година и во првата сезона одигра 28 натпревари.
Македонскиот фудбалски репрезентативец, Никола Серафимов, проговори за мечевите со Летонија (четврток) и Фарски Острови (недела) во завршните две кола во Лигата на нациите. „Ова е последен собир за годинава, мислам дека досега сè што планиравме, го остваривме, се надевам дека така ќе биде и сега . По мечот во Фарски Отрови променивме некои работи и мислам дека сме на добар пат. Нема да ги потцениме двата противника, но нашата цел е да оствариме две победи“ – вели Серафимов. „Фарски Острови имаат нивна игра, ја препуштаат иницијативата и опасни се од контранапади и прекини. Летонија има одлични играчи во средината на…
Тренерот на фудбалерите на Арсенал, Микел Артета, потврди дека првотимците Букајо Сака и Даклан Рајс се повредени. „Не ми изгледа добро. Двајцата ми кажаа дека не можат да продолжат и тоа очигледно не се добри вести“ – изјави Артета со потврда дека Сака и Рајс ќе продолжат со терапија во Лондон. „Топчиите“ по кратката пауза поради настапите на репрезентациите ќе треба да играат со Нотингем Форест , Спортинг Лисабон (ЛШ), Вест Хем и Манчестер Јунајтед.
Роберто Манчини и Паоло Соуса се главните кандидати да го заменат Иван Јуриќ на клупата на фудбалскиот состав Рома, наведуваат дел од медиумите. Хрватскиот стратег заработи отказ по серијата лоши резултати а челниците на тимот експресно се обидуваат да пронајдат негова замена. Статистиката вели дека Јуриќ е најлошиот тренер во последниве 20 години што седел на клупата на „римската волчица“ гледано според резултатите.
Тренерот на Интер, Симоне Инзаги, беше разочаран по ремито во дербито со Наполи. Тој процени дека неговиот тим бил подобар. „ Ако некој требаше да победи, тоа бевме ние. Во второто полувреме доминиравме на теренот. Примивме гол од статична ситуација“ – вели Инзаги. „Погодивме две пречки, пропуштивме и пенал, не гледам што повеќе можевме да направиме“ – изјави Инзаги.