Македонските ракометари со победа го отворија новиот циклус квалификации за пласман на Европското првенство во 2026 кое ќе се одржи во три земји – Данска, Шведска и Норвешка. Избраниците на селекторот, Кире Лазаров, успеаја да ја совладаат селекцијата на Естонија со 37:33 откако првиот дел заврши нерешено 20:20. На дуелот одигран во СЦ Борис Трајковски, решавачки беа вторите 30-минути во кои нашите ракометари одиграа многу подобро во одбраната и сосема заслужено ги прокнижија првите бодови во групата во која се уште Словенија и Литванија. Во нашиот состав Серафимов постигна десет голови додека Митев и Кузмановски застанаа на седум. Кај гостите…
Author: dino
Индија го информираше Интернационалниот олимписки комитет дека сака да биде домаќин на Летните олимписки и параолимписки игри во 2036 година. Претходно тоа во неколку наврати го најави и премиерот, Нарендра Моди. Тој изрази надеж дека Игрите ќе помогнат за економски раст, социјален напредок и зголемени можности за младите во земјата. Претходно Мексико, Индонезија и Полска, поднесоа кандидатури за домаќини на Олимпијадата во 2036 година.
Играчот од средниот ред на Јувентус, Даглас Луиз се врати во тимот за натпреварот од Лигата на шампионите против францускиот Лил. Четворица фудбалери на Јувентус ќе го пропуштат претстојниот меч, тоа се суспендираниот Данило и повредените Аркадиуш Милик, Глеисон Бремер и Нико Гонзалес. Франциско Консеисао се очекува да се врати во стартните 11 против Лил. Прашање е дали Кенан Јилдиз или Тимоти Веа ќе бидат исто така стартери.
Германскиот фудбалски клуб РБ Лајпциг ќе биде без повредениот лев бек, Кастело Лукеба, за претстојниот натпревар од Лигата на шампионите против шкотскиот Селтик, соопшти спортскиот директор на тимот, Рувен Шредер. Фудбалерот мораше да го пропушти вчерашниот тренинг и нема да биде вклучен во тимот . „ Очекуваме да играат само тие што се 100 проценти фит. Кастело не влегува во таа категорија“ – рече Шредер.
Потпретседателот на Фудбалската федерација на Ерменија, Армен Никхосјан, изјави дека легендата на Реал Мадрид, Раул Гонзалес, може да седне на кормилото на репрезентацијата. Поранешниот фудбалер од Шпанија е опција да го замени Александар Петраков, кој беше отпуштен во октомври. Во исто време и екипата на Шалке 04 за која на времето играше Раул, сака да го ангажира за нов тренер . 47-годишниот поранешен напаѓач сега работи со вториот состав на Реал Мадрид но, има желба да ја промени средината.
Срѓан Захариевски, денеска си замина од клупата на фудбалскиот состав Вардар. 51-годишниот стратег на девет натпревари забележа само една победа. „Захариевски не е повеќе тренер на Вардар. По вчерашниот пораз од Пелистер, двете страни спогодбено ја прекинаа соработката. За личности како Захариевски вратите во Вардар секогаш ќе бидат отворени“ – стои во објавата на „црвено-црните“. Захариевски беше третиот тренер кој во сезонава ја водеше екипата по Горазд Михаилов и Горан Петрески. Вардарци кои се последни на табелата, в сабота ги очекува меч со Шкупи.
Медиумите во Италија денеска се обидуваат да го пронајдат заменикот на Иван Јуриќ доколку челниците на фудбалскиот состав Рома се определат да му врачат отказ по серијата на лоши резултати. Прв на списокот е поранешниот менаџер на Челзи и на Евертон, Френк Лампард. Тука се споменува и португалскиот тренер, Пауло Соуса , кој работеше во Серија А на чело на Фиорентина и Салернитана а сега го води тимот на Шабаб Ал Ахли од ОАЕ. Меѓу имињата за можен тренер на „волчицата“ се издвојуваат и Роберто Манчини, Един Терзиќ, Масимилијано Алегри и Маурицио Сари.
Кошаркарот на Чикаго, Лонзо Бол, полека се опоравува од повредата на зглобот на десната рака, објавија медиумите преку „големата бара“. 27-годишниот НБА играч пред неколку денови се повреди на мечот со Мемфис и влезе во краток процес на рехабилитација. Ќе потсетиме дека Бол во изминатите две и пол години имаше големи проблемот со менискусот на левото колено и мораше да паузира подолг период.
Тренерот на фудбалерите на Монца, Алесандро Неста, реагираше на судиските одлуки на мечот со Милан. На неговиот тим кој загуби со минимални 1-0, во седмата минута му беше поништен погодок поради прекршок во напад на Ворен Бондо врз Тео Ернандез. Според легендарниот дефанзивец, тој погодок бил регуларен. „Според мене вака се руши фудбалот, тоа се луди правила. Треба да се вратиме на старото судење. Каков вид на прекршок е тоа? Нема смисла .Фудбалот порано беше поедноставен и поконтактен спорт“ – вели Неста.
Фудбалерите на Интер во текот на викендот успеаја да слават против Венеција со минимални 1-0 во меч од 11 коло во Серија „А“. Нивниот тренер, Симоне Инзаги, вели дека мора да се подобри реализацијата. „ Му честитав на тимот за одличното прво полувреме иако Михтаријан и Турам пропуштија големи шанси. Мислам дека доколку реализиравме, играта ќе ни беше полесна“ – вели Инзаги. „Нероаѕурите“ в среда во вечерниот термин од 21.00 часот ги очекува меч со Арсенал во рамките на новото коло во Лигата на шампионите.