Фудбалерот на Ливерпул, Ибрахим Конате, кој ја повреди раката на викенд-мечот со Брајтон во Премиер-лигата, ќе може да игра на наредниот меч, велат денешните информации од Англија. 25-годишниот француски репрезентативец тоа го потврди и преку социјалните мрежи. – За среќа, мојата повреда не е сериозна. Направив скен и пнема скршеница. Ќе бидам подготвен , напиша Конате на Инстаграм. „Црвените“ утре ќе играат со германскиот Баер Леверкузен во Лигата на Шампионите.
Author: dino
Спортскиот директор на фудбалскиот состав Арсенал, Еду Гаспар, ќе си замине од стадионот – „Емирати“, наведуваат дел од медиумите во Англија. Бразилецот кој ја презеде функцијата во 2019 година, беше клучен во купувањето на Мартин Одегард, Деклан Рајс, Габриел Мегаланес и Вилијам Салиба. Според – „Дејли Мејл“, причините за заминувањето на Гаспар не се познати. Арсенал засега нема коментар за целата ситуација.
Тренерот на фудбалерите на Барселона, Ханси Флик, се надева дека ќе продолжи победничката серија откако на претходни четири натпревари неговите избраници забележаа исто толку победи. Последната беше остварена во домашното првенство на градското дерби против Еспањол со 3 спрема 1. „Се подготвуваме за секој натпревар на најдобар начин . Сакаме така да продолжиме и да даваме 100 проценти од нашите квалитети“ – потенцираше Флик.
Фудбалската федерација на Македонија денеска потврди дека членови на Управниот одбор испратиле допис до првиот човек Муамед Сејдини за свикување на итна седница. -Фудбалската федерација на Македонија ја известува јавноста дека денеска (31. октомври 2024) се пристигнати дописи до претседателот на ФФМ, Муамед Сејдини со кои дел од членовите на Управниот одбор на ФФМ бараат закажување на итна седница. Согласно Статутот на ФФМ, претсетателот на ФФМ има обврска да свика седница во рок од 21 ден од денот на приемот на барањето за свикување на седница на Управен одбор. Во спротивно, членовите на Управниот одбор имаат право седницата да ја…
Голманот на Мајнц, Робин Зентер, го обвини голгетерот на Баерн (Минхен), Хари Кејн, дека намерно го удрил на вчерашниот меч во Купот на Германија. Инцидентот се случи во 15. минута кога Англичанецот во обид да дојде до топката го удри во глава голманот на домаќините. „Кејн рано увиде дека нема да може да дојде до топката и можеше да остане на страна“ – рече Зентнер кој по лекарската интервенција остана на теренот.
Реал Мадрид има намера да го обнови договорот со фудбалерот, Винисиус Жуниор. Актуелниот на крилниот напаѓач е до летото во 2027 година. „Белите“ стапиле во контакт со агентите на играчот пред неколку месеци но, се уште немаат започнато конкретни преговори. Самиот Винисиус одговори дека не сака да брза и дека го чека најпогодниот момент за да преговара за нов договор. Од друга страна, клупските шефови веруваат дека Бразилецот заслужува подобри услови иако е меѓу најплатените во клубот.
Тренерот на фудбалерите на Јувентус, Тиаго Мота, по вчерашното реми со Парма во 8 коло во италијанскиот елитен шампионат, вели дека на неговиот тим му недостасува рамнотежа на теренот. „Треба да играме поагресивно. Дозволивме Парма да создаде многу шанси преку контра-напади. Сакаме да го наметнеме нашиот стил“ – вели тренерот на „старата дама“. „Направивме технички грешки а Парма само чекаше да не казни. Мораме да бидеме максимално активни во обидот да ја вратиме топката“ – нагласи Мота.
Менаџерот на Манчестер Сити, Пеп Гвардиола, се соочува со големи проблеми во ростерот откако Аканџи, Рубен Дијаз и Савињо, се соочуваат со повреди. „Имаме само 13 здрави фудбалери, тоа е навистина огромен проблем. Во девет години колку што сум тука, никогаш не сум се нашол во ваква ситуација“ – изјави Шпанецот. Познато е дека во амбулантата на „граѓаните“ се и Родри (ја заврши сезоната), Кајл Вокер, Кевин де Бруин, Оскар Боб, Џереми Доку и Џек Грилиш. Дел од нив ќе се вратат на терените дури на крајот на наредниот месец.
Хокеарскиот состав на Торонто го ангажираше одбранбениот играч, Мет Бенинг од Сан Хозе. Во спротивна насока замина, Тимоти Лингрен. Со таа размена на хокеари, „ајкулите“ добија два избора од третата рунда на драфтот во 2025 година а Торонто доби опција за претходен избор. Бенинг во досегашните 7 рунди во тековниот шампионат во НХЛ имаше слаби оценки Лингрен одигра само еден натпревар.
Бразилецот, Нејмар, нема да игра за неговата репрезентација до крајот на годинава, најавија дел од медиумите. Фудбалерот на Ал-Хилал, кој поради потешка повреда на коленото беше надвор од терените речиси една година, нема да добие повик од селекторот на „кариоките“ за мечевите со Венецуела (14 ноември) и со Уругвај (20 ноември). Се претпоставува дека Нејмар повторно ќе го облече дресот на „кариоките“ догодина на натпреварите со Колумбија (20 март) а потоа и со Аргентина (25 март).