Тренерот на фудбалерите на Баерн Минхен, Винсент Компани, кој колабираше на 23 октомври, вчера се појави во тренинг-комплексот и ги следеше индивидуалните ангажмани на дел од играчите. Белгиецот сè уште не ги води целосно тренинзите но, неговото присуство на клупата се очекува на наредниот натпревар на Баварците во Бундеслигата. Тоа ќе биде на 20 ноември кога во Минехн ќе гостува екипата на Келн. Во моментов со фудбалерите работи неговиот помошник, Арон Данкс.
Author: dino
Во пресрет на празникот 13 Ноември – Денот на ослободувањето на Скопје, ракометарите на РК Вардар 1961 го посетија Музејот на град Скопје. Во името на клубот, капитенот, Васил Гогов, на музејот му го подари дресот на клупската легенда, Тимур Дибиров, носен на неговиот последен натпревар за „црвено-црните“. -Веруваме дека ваков дел од вардаровата историја, кој потсетува на највисокиот дострел на клубот, а тоа е освојувањето на европскиот трон, заслужува свое место во Музејот на град Скопје. Упатуваме огромна благодарност до нашиот навивач Александар Узуновски – Узун, кој го подари дресот, како и на Музејот на Град Скопје за гостопримството…
Кошаркарскиот состав на Милвоки може да го ангажира Кристапс Порзингис од Голден Стејт доколку „Вориорс“ се согласат да направат размена за центарот Мајлс Тарнер, велат последните информации од САД. Според наводите, „Бакси“ бараат и компензација во вид на пикови од драфтот како дел од размената. Исто така се наведува дека Голден Стејт е заинтересирани за центарот на Чикаго, Џејлен Смит иако „булси“ засега не реагираат на понудата.
Плејмејкерот на Чикаго, Џош Гиди, признава дека е разочаран од стартот на сезоната во НБА конкуренцијата откако во првите осум натпревари имаше просек од 9,3 поени, 7,6 асистенции и 4,6 скокови. Австралиецот во претходниот шампионат имаше просек од 17 поени, 9,1 асистенции и 8,3 скока по натпревар. Главниот тренер на Булс, Тијаго Сплитер, го пофали настапот на Гиди на неделниот меч против Филаделфија иако неговиот тим не успеа да победи.
Ендру Шовлин кој е задолжен за развој на болидите на Мерцедес, изрази сомнежи дека германскиот тим може да ја повтори победничката серија кај конструкторите. „Мислам дека ситуацијата е тешка а конкуренцијата е многу блиско. Видовме силни настапи на Ферари, Мекларен се покажа добро во Бразил а Ред Бул на последните трки во целина“ – вели Шовлин. „Верувам дека ќе биде практично невозможно да се повтори осумкратната серија со оглед на воведувањето на ограничувањата на буџетот на тимовите“ – рече инжинерот на Мерцедес.
Поранешниот репрезентативец на Англија, Стивен Џерард, верува дека Челзи треба да обезбеди нови имиња во одбраната доколку сака да биде конкурентен за титулата во Премиер-лигата. „Челзи има добри дефанзивци. Навистина ми се допаѓа Џејмс кога е здрав и подготвен да игра на позицијата десен бек. Ми се допаѓа и Колвел“ – вели Џерард. „Челзи ако сака да се натпреварува со Арсенал, Манчестер Сити и Ливерпул, мора да обезбеди централни дефанзивци од светска класа“ – беа зборовите на Џерард.
Тренерот на фудбалерите на Интер, Кристијан Киву, додека трае паузата поради репрезентативните активности, се насочи кон актуелната ситуација во клубот. „Интер може да се подобри. Сезоната е долга и ќе има подеми и падови. Постигнувањето на целта бара напорна работа, трпение и посветеност“ – вели Романецот. „Мора да направиме сè што е можно за да ги постигнеме нашите цели. Сакаме успешно да ја завршиме сезоната“ – рече тренерот на „нероазурите“.
Легендарниот фудбалер на Рома и долгогодишен капитен, Франческо Тоти, не крие дека е задоволен како се одвиваат работите во тековнава сезона во Серија „А“. „Римската волчица“ по 11 одиграни кола има дваесет и седум бодови и котира високо на третото место на табелата. „Во моментов, сè е како што треба да биде. Тие се адаптираа добро и сè функционира, клубот е во одлична состојба, градот е прекрасен а тимот е многу силен“ – рече Тоти.
Младата репрезентација на Македонија до 19 години во периодот од 9 до 17 ноември ќе биде домаќин на натпреварите од вториот квалификациски круг за пласман на Европското првенство 2027. Избраниците на селекторот Димитар Капинковски ќе ги одмерат силите со репрезентациите на Северна Ирска, Словенија и Малта, а сите натпревари ќе се одиграат во Турново и Струмица, со почеток во 13:00 часот. Македонија квалификацискиот турнир го отвора на 11 ноември против Северна Ирска на стадионот „Кукуш“ во Турново. Три дена подоцна, на 14 ноември, нашите млади фудбалери ќе се соочат со Словенија, додека последниот натпревар од групната фаза ќе го одиграат…
Македонската атлетичарка Ева Митевска оствари извонреден успех на Младинските олимписки игри во Дакар, Сенегал пласирајќи се во финалето на трката на 100 метри во конкуренција на атлетичарки под 18 години. Во полуфиналната трка, Ева го освои четвртото место со резултат од 12.58 секунди, обезбедувајќи пласман меѓу деветте најдобри финалистки. Во големото финале нашата репрезентативка истрча фантастични 12.28 секунди и го освои осмото место. Иако резултатот беше постигнат со ветер од +2.4 m/s, над дозволената граница, ова претставува исклучително вредно остварување на најголемата светска сцена за млади спортисти. Со неполни 18 години, Ева испиша нова страница во историјата на македонската атлетика,…
