Селекторот на кошаркарите на Србија, Светислав Пешиќ, не сакаше да зборува за можните противници на претстојниот Евробаскет. „Ако сакаме да се бориме за медал, тогаш нема такво нешто. Се надеваме дека ќе бидеме меѓу осумте, сите екипи заслужуваат почит. Ако сакаш да бидеш најдобар, тогаш треба да победуваш“ – рече Пешиќ. „Не би сакал многу промени во однос на претходните две големи натпреварувања. Сигурно ќе има промени но, нема премногу експерименти“ – рече селекторот на нашиот северен сосед.
Author: dino
Реал Мадрид во текот на летото може да го ангажира младиот фудбалер на Ривер Плата, Франко Мастантуно. Шпанците се обидоа да дојдат до неговиот потпис во текот на зимава но, аргентинскиот клуб инсистираше на активирање на неговата ослободителна клаузула од 45 милиони евра. Затоа Претседателот на „белите“, Флорентино Перез, одлучи да почека и да види дали работите ќе се променат за неколку месеци.
Кошаркарот на Филаделфија, Џоел Ембиид, кој подолг период се соочува со повреда на левото колено мораше да го пропушти и мечот со Чикаго. Тоа беше 38-та средба во сезонава на која не се појави големата ѕвезда на Филаделфија. Ембиид има одиграно само 58 натпревари во регуларниот дел на НБА и седум во елиминациската фаза откако беше прогласен за МВП во сезоната 2022-2023.
Минесота успеа да ја победи Оклахома во продолжение со 131:128 и да стане првиот тим во историјата на НБА кој успеал да анулира негатива од најмалку 20 поени во последниот дел од мечот. Сити водеше со 82-57 во третата четвртина и имаше предност од 102-80 но, Минесота ја доби оиследната четвртина со 41-19 и успеа да дојде до победата по продолжение. Минесота наредниот меч ќе го одигра в четврток против Лос Анџелес Лејкерс.
Шпанскиот играч за врска Педри и шпанскиот крилен напаѓач Ламин Јамал сакаат да видат нов напаѓач во Барселона, пренесува „Ел Национал“. Според изворот, младите фудбалери на каталонскиот гигант бараат трансфер на помобилен напаѓач кој ќе му помогне на тимот во играњето со топката и ќе биде со поголем удел при градењето на нападот. И двајцата играчи го споделија ова чувство со своите блиски пријатели, а според истите, тие веруваат дека напаѓачот со поголема способност за движење и притисок може да го направи тимот понепредвидлив и опасен во нападот. Раководството на Барселона размислува за двајца кандидати: српскиот напаѓач на Јувентус Душан Влаховиќ и шведскиот напаѓач на Њукасл Александар…
Предводникот на Барселона Ханс Дитер Флик зборуваше за здравствената состојба на крилниот играч Ламин Јамал пред првиот натпревар од полуфиналето на Купот на Шпанија со мадридски Атлетико кој ќе се одигра денеска. „Треба да почекаме да видиме дали ќе може да игра против Атлетико. Но, навистина се надевам дека Ламин ќе биде во тимот“, рече Флик на прес-конференцијата пред натпреварот. Да потсетиме, Ламин Јамал по победничкиот меч, кој се одигра во 25. коло од шпанското првенство со Лас Палмас (2:0), на социјалните мрежи ја покажа крвавата лева нога. По 25 кола во Ла Лига, каталонскиот тим го зазема првото место на табелата.
Тренерот на Атлетико Мадрид, Диего Симеоне, ги повика своите играчи целосно да се фокусираат на претстојниот прв натпревар од полуфиналето на Купот на Кралот против Барселона кој се игра вечерва, пред дуелот во Лигата на шампионите против Реал Мадрид кој е дел од напорниот распоред на тимот. Периодот од пет недели за Атлетико вклучува два натпревари против Реал во осминафиналето на Лигата на шампионите и уште една средба со Барса во Ла Лига, каде што Атлетико заостанува зад двата гиганти со еден бод во трката за титулата. „Единствениот начин е да се оди натпревар по натпревар“, изјави Симеоне на прес-конференцијата…
Министерот за спорт Борко Ристовски и министерката за финансии Гордана Димитриевска-Кочоска денеска присуствуваа на панел-дискусијата „Ракометот спорт број 1?“ во организација на специјализираниот портал за ракомет Саморакомет.мк. Стратегија, визија, инфраструктурни проекти и форми на финансирање на државата во спортот, поконкретно во ракометот, беа темите на кои министерот Ристовски и министерката Димитриевска-Кочоска ги изнесоа своите ставови и одговараа на прашањата од присутните во третиот дел од панел-дискусијата. Како поранешен ракометен репрезентативец и актуелен министер за спорт, Ристовски потенцираше дека ракометот според конкретните резултати е позициониран како спорт број еден во државата и таков статус има и во стратгијата на Министерството за…
Менаџерот на фудбалерите на Манчестер Сити, Пеп Гвардиола, по вчерашниот пораз од Ливерпул на домашен терен на –„Етихад“, призна дека неговиот тим е далеку од нивото на „црвените“ кои пак, сигурно чекорат кон титулата. „Ќе видиме како ќе биде во иднина. Сепак треба да кажам дека денеска игравме добро. Видов многу работи кои ми се допаднаа и покрај поразот“ – рече Гвардиола. „Манчестер Сити има светла иднина. Знам сега дека многумина не ми веруваат но, знам што зборувам“ – рече шпанскиот тренер на клупата на „граѓаните“.
Тренерот на Наполи, Антонио Конте, застана во одбрана на фудбалерите кои загубија на гостински терен од Комо во меч од Серија „А“. „Жал ми е но, сите заедно треба да се обидеме да разбереме зошто се случи тоа. Честитки за тоа што го прават момците од Комо, се најдовме под притисок поради нашите грешки“ – рече Конте. „Јас сум одговорен за поразот бидејќи не можев да го спречам. Не барам изговори. Треба да видиме како да се справиме со ситуацијата“ – потенцираше тренерот на Наполи.
