Кошаркаркиот клуб Работнички апелира до Комесарот за натпревари во КФСМ да ги почитува правилата и да одреди санкции за екипата на Пелистер поради слаба организација на третиот меч од полуфиналната серија одигран во Битола. Скопскиот тим во соопштението алудира на одредени притисоци што се случувале од страна на домаќинот врз судиите со забелешка дека за тоа постои и видео запис. „Се повикуваме на членот 40 од Дисциплинскиот правилник дека дисциплинската комисија сама треба да донесе одлука по пријавата на делегатот и судиите кон претставникот на КК Пелистер а воедно и кон самиот клуб. До сега гледаме дека се постапува спротивно…
Author: dino
Ракометниот состав на Ѓорче Петров откако ја обезбеди шампионската титула, сега се насочува кон завршницата на Купот. Таму противник во полуфиналето ќе му биде Куманово. Како течат подготовките, дали се задоволни од сезоната и општо за женскиот ракомет, разговаравме со Ива Божиноска и Ангела Јанкуловска, кои беа гости во Спортско радио 90,3 ФМ. „Мислам дека заслужено го освоивме првенството, ние сме хомогена екипа која е одлично покриена на сите позиции. Купот е секогаш посебна приказна. Максимално се подготвуваме за мечот со Куманово и сакаме да дојдеме до финале. Севкупно сме задоволни како одмина сезоната, бидејќи одигравме одлично и во Европскиот…
Фабио Капело се осврна на информацијата дека Роберто Де Зерби може да го преземе кормилото на Милан. „За него многу се зборува како еден од најдобрите тренери бидејќи Гвардиола го поддржува“ – вели италијанецот. „Што освои во кариерата? Досега никој не му испрати понуда а во неговиот договор со Брајтон има клаузула од 15 милиони. Тоа премногу е да се плати“ – вели Капело.
Легендарниот напаѓач, Алан Ширер, упати критики за „црвените ѓаволи“ кои имаат разочарувачка сезона. „Мислам дека ова е најлошиот тим на Манчестер Јунајтед што сум го видел во мојот живот. Ќе им треба долго време да се приближат до врвот“ – вели Ширер. „Дури и да се опорават сите играчи, ќе им треба многу време да го достигнат нивото на Сити, Ливерпул и Арсенал“ – нагласи Ширер.
Менаџерот на фудбалерите на Ливерпул, Јирген Клоп, вели дека е задоволен од играта на вчерашниот меч кај Астон Вила кој заврши 3:3 иако неговиот тим имаше предност од 3-1. „Игравме многу добар фудбал. Астон Вила почна опасно да напаѓа и често влегуваше во нашиот шеснаесетник. Моравме да направиме корекции но направивме грешки“ – изјави Клоп. „Црвените“ во последното коло во Премиер-конкуренцијата ќе го пречекаат Вулверхемптон. Тоа ќе биде последниот меч за Германецот на клупата на Ливерпул.
Кошаркарот на Њујорк, Мичел Робинсон, имаше успешна операција на глуждот. Тој ќе мора да паузира најмалку 6 до 8 недели. Центарот на Никси и претходно имаше таков проблем и пропушти 50 натпревари пред да се врати на терените кон крајот на март. За време на првото коло од плеј-офот со Филаделфија, проблемите продолжија по што лекарите решија дека мора да оди на операција.
Фудбалерите на Барселона доцна синоќа го совладаа Реал Сосиедат со 2-0 и се вратија на второто место на табелата во Примера Дивизион. Тренерот на Каталонците, Чави Ернандез, вели дека е задоволен. „Реал Сосиедад не е тим кој ти дозволува да создаваш многу шанси. Не очекувавме дека ќе напаѓаат со пет играчи од средниот ред“ – изјави Чави. Барселона до крајот на сезоната ја очекуваат мечевите со Алмерија, Рајо Валјекано и Севилја.
Борусија (Дортмунд) потпиша договор со 16-годишниот еквадорски фудбалер Џастин Лерма, соопшти германскиот клуб. Младиот играч ќе остане во Индепендиенте дел Вале додека да наполни 18 години по што ќе се пресели во Европа. Спортскиот директор на „милионерите“, Себастијан Кел, откри дека долго време ги следеле настапите на Лерман и дека контактирале со неговото семејство.
Фудбалерот, Дани Карвахал, ќе добие продолжување на договорот со Реал Мадрид. Тоа доаѓа како награда за добрите игри во сезоната која полека привршува. 32-годишниот десен бек има тековна соработка со „белите“ до 2025-та која веројатно ќе биде продолжена за уште една сезона. Карвахал цели 11 години настапува за шпанскиот гигант. Тој сега ја носи и капитенската лента.
Романски судиски тим предводен од Иштван Ковач ќе го води финалето во Лига Европа меѓу Аталанта и Баер Леверкузен. Помошници ќе му бидат: Василе Флорин Маринеску, Михаи Овидиу Артене ( Романија), четврти судија – Иван Крузљак (Словачка), резервен судија – Бранислав Ганцко (Словачка), ВАР – Пол ван Беукел (Холандија), АВАР – Каталин Попа (Романија), ВАР поддршка – Роб Диперинк (Холандија). Финалето на Лига Европа ќе се одржи на 22 мај во Даблин (Ирска).
