Мегаѕвезда на Реал Мадрид и светскиот фудбал, Кристијано Роналдо, изјави дека нема дилеми дали во 93-тата минута вчера имаше пенал за Реал или не. „Не разбирам зошто Јуве протестираше, бидејќи несомнено тоа беше прекршок за пенал. Ако не направеа прекршок тоа ќе беше гол“, изјавил Роналдо. „Овој меч е голема лекција за нас. Во фудбалот ништо не доаѓа како подарок. Треба да се борите до самиот крај. Реал можеше да постигне неколку голови, но Јуве и Буфон силно тргнаа“, дополни Португалецот.
Author: saso
Тренерот на европскиот шампион Реал (М), Зинедин Зидан не сакаше да го коментира пеналот за Реал Мадрид, со која неговиот тим го исфрли Јувентус од Лигата на Шампионите. „Ми рекоа дека е пенал. Не ја видов ситуацијата, но судијата пресуди и тоа не може да биде променето. Јас никогаш не се расправам со судиите и си имам свои причини за тоа. Едноставно не се мешам“, изјавил Зидан по средбата. „Бевме подобар тим во 70-80 минути од мечот и заслуживме да победиме. Тешко беше што не успеавме да постигнеме гол, откако имавме толку многу шанси. Топката едноставно не сакаше да влезе…
Машката ракометна репрезентација на Македонија денеска ќе го одигра тест-натпревар зад затворени врати против селекцијата на Русија во „Јане Сандански“, во 17.30 часот. Ова ќе биде прва и воедно единствена проверка за македонската репрезентација пред јунскиот бараж со Романија за место на СП 2019 во Германија и Данска. Руската репрезентација реши да ја помине ЕХФ-неделата во Скопје и тука да си ја гради формата за клучните јунски натпревари. Дел од подготовките е и натпреварот со Македонија, кој на барање на рускиот селектор Едуард Кокшаров ќе се игра без присуство на публика и на медиуми. Македонија за овој меч останува без…
Баерн Минхен ќе слави скромно, ако денеска ја освои титулата во Германија. Причина, претстојните важни натпревари во Лигата на шампиони, изјави тренерот на баварците, Јуп Хејнкес. Баерн може и официјално да го потврди насловот германски шампион на денешниот дуел со екипата на Аугзбург. „Ако станеме шампиони, ќе изпиеме по една чаша шампањ, но само толку. Треба да сме концентрирани за претстојните натпревари до крајот на сезоната. Ќе се забавуваме кога сезоната ќе заврши”, рече Хејнкес. На инсистирање на тренерот со тимот за Аугзбург патуваат и повредените играчи како Мануел Нојер, Давид Алаба и Артуро Видал, за да може да бидат…
Антонио Конте ја демантираше изјавата на неговиот сонародник Џанлука Виали дека со нетрпение чека да си замине од Челзи. Пред неколку дена Виали рече дека би бил изненаден доколку неговиот сонародник остане на функцијата во Челзи и следната сезона. „Џанлука ми е пријател, но не сум зборувал со него една година. Не е точно дека сакам да го напуштам Челзи. Слушам постојано шпекулации за мојата иднина. Работам напорно за клубот и тоа е единственото нешто што е вистина. Останатото се измислици“, изјавил Конте на вчерашната прес-конференција.
Дефанзивецот Хозе Хименес е повреден и нема да игра за Атлетико Мадрид на дербито со Реал Мадрид во недела, соопштуваат медиумите во Шпанија. Уругвајскиот репрезентативец ги пропушти последните два натпревари против Депортиво Ла Коруња и против Спортинг Лисабон во четвртфиналето од Лигата на Европа. Симеоне во текот на оваа недела изрази надеж дека Хименес ќе може да игра на претстојното дерби, но тоа дефинитивно нема да се случи. Атлетико Мадрид го зазема второто место на табелата во Ла Лига со предност од четири бода во однос на градскиот ривал.
Фудбалерот на Борусија Дортмунд Марко Ројс, се враќа за натпреварот против Штутгарт во недела. Ројс имаше проблем со препоните и го пропушти натпреварот против Хановер, како и поразот од 6-0 од Баерн Минхен пред една недела. Во составот на „милионерите“ се враќа и дефанзивецот Омер Топрак, кон не настапи на дуелот со Баерн поради повреда.
Македонскиот шампион ЖРК Вардар победи во првиот четвртфинален натпревар од Лигата на шампионите противј Мидтјиланд со 24-23 и веројатно со една нога веќе го трасираше патот кон Ф4 турнирот во Будимпешта. „Вардарки“ одиграа лошо прво полувреме во кое домашните направија предност од 3 гола, па дури кон средината на вториот дел нашиот првак успеа да ја стабилизира играта и да преземе иницијатива. Во последните минути на мечот „вардарки“ дојдоа до предност и од 3 гола, но домашните успеаја да анулираат и да дојдат само на минус еден. Како најдобар стрелец Драгана Цвијиќ мечот го заврши со 8 гола, додека Лекиќ…
Манчестер Јунајтед верува дека може да го купи фудбалерот на Челзи, Вилијам во летниот трансфер период. Весникот „Сан“ објави дека во клубот сериозно се заинтересирани за Бразилецот. Жозе Мурињо се обиде да го земе Вилијан и минатото лето, кога беа водени преговори меѓу “црвените ѓаволи” и претставници на играчот. Тогаш 29-годишниот фудбалер одлучи да остане на “Стемфорд Бриџ”, но сега во Јунајтед се оптимисти дека може да се дојде до договор. Вилијан има договор со Челзи до 2020 година и Лондончани ќе бараат минимум 30 милиони фунти за него.
Ливерпул доби тежок удар, откако стана јасно дека дефанзивниот играч за врска, Емре Џан ќе го пропушти сите натпревари до крајот на сезоната, бидејќи повредата на грбот, која доби пред неколку дена, се покажа доста посериозна отколку што се очекуваше. Покрај тоа, тој е под знак прашалник за настап и на престојното Светско првенство во Русија, кое започнува во јуни. Со оглед на тоа што Џан се уште нема потпишано нов договор со Ливерпул, тој со оваа повреда практично и ја заврши својата кариера на „Енфилд Роуд“.
