Демар Керол ќе работи за Феникс Санс. Поранешниот НБА играч се пензионираше во сезоната 2019-20. Керол играше под водство на Џордан От во Бруклин и работеше со него во тренерските штабови на Лејкерси и Кливленд. Сега От го покани 38-годишниот специјалист да му се придружи во новата екипа.
Author: dino
Екипата на Чикаго сака да го задржи тренерот, Били Донован. „Булси“ не му дозволија на Њујорк да направи контакт со нивниот тренер. „Биковите го ценат Донован поради неговите тренерски способности, комуникациски вештини и врските со играчите. Донован се приклучи на списокот на тренери кои го одбија Њујорк. На листата фигурираат: Име Удока, Крис Финч, Џејсон Кид и Квин Снајдер.
Фудбалерот, Џовани Симеоне, би можел да го напушти Наполи а португалските состави Спортинг и Бенфика се меѓу можните дестинации за аргентинскиот напаѓач, објави доцна синоќа „Марка“. Тој има договор до наредното лето и дефинитивно може да размислува за нови предизвици во неговата кариера. Синот на познатиот Чоло Симеоне, влегува на радарот на шпанскиот состав Бетис како и кај италијанските екипи Торино, Џенова и Пиза.
Арсен Венгер поранешниот менаџер на Арсенал, е назначен да ја води Техничката истражувачка група на ФИФА за Светското клупско првенство што ќе се одржи во Соединетите Американски Држави. Заедно со Венгер ќе работата големи имиња од светскиот фудбал, како што се Естебан Камбијасо, Алиу Сисе, Тобин Хит, Јирген Клинсман, Роберто Мартинез, Жилберто Силва.Групата ќе ги анализира сите натпревар со цел да се промовира и да се подобри разбирањето на фудбалот низ целиот свет.
Екипата на Интер потврди дека аргентинскиот фудбалер, Хоакин Кореја, го напушта тимот откако му истече договорот со „нероаѕурите“. Тој ќе замине во бразилскиот состав Ботафого и ќе настапи на Светското клупско првенство. Кореја во дресот на Интер настапуваше две сезони. Тој се појави на 64 мечеви и постигна 10 голови.
Кристијан Киву кој го наследи Инзаги на клупата на Интер, ќе има ново име во стручниот штаб. Станува збор за Александар Коларов кој ќе се врати во Италија и тоа на стадионот – Сан Сиро, објавија повеќето медиуми. Поранешниот фудбалер откако ја заврши кариерата во краток период работеше како спортски директор на Пиза а потоа стана тренер на младинската репрезентација на Србија.
Фудбалерот, Рајан Черки, потпиша за Манчестер Сити. Тој доаѓа од Лион за 34 милиони фунти. 21-годишниот француски репрезентативец кој во претходната сезона постигна 12 гола и имаше 20 асистенции, ќе биде вклучен во тимот кој ќе настапи на Светското клупско првенство. Неговата соработка со „граѓаните“ треба да трае до 2030 година.
Медиумите во Англија и Германија, тврдат дека Ливерпул и Баер Леверкузен постигнале принципиелен договор за големиот трансфер на фудбалерот, Флоријан Вирц, на стадионот – „Енфилд“. „Црвените“ за одличниот голгетер ќе треба да платат 150 милиони евра со вклучителни бонуси. Трансферот ќе собори три рекорди – за најскапа продажба на играч од германската елита, за најскапо платен фудбалер во историјата на Ливерпул и за најголем трансфер во историјата на Премиер лигата.
Кошаркарскиот состав Партизан влегол во напредни преговори со Дилан Осетковски од Уникаха Малага. 28-годишниот крилен играч на андалузискиот тим имаше просек од 9,4 поени, 4,5 скока и 1,9 асистенции, во Лигата на шампионите. Во исто време, 25-годишниот српски центар, Копривица, ќе го напушти „црно-белиот“ табор.
Лејн Хатсон, го доби трофејот за дебитант на годината во Националната хокеарска лига на САД и Канада. Второто место во гласањето го обезбеди голманот, Дастин Волф од Калгари додека канадскиот напаѓач, Меклин Челебрини од Сан Хозе, заврши како трет. 21-годишниот Хатсон со 6 голови и 60 асистенции, стана најпродуктивен меѓу почетниците во НХЛ.
