Првиот човек на Тотенхем, Даниел Леви, објасни како дојде до разделба со тренерот, Анже Постекоглу, кој успеа да ги однесе „спарси“ до трофејот во Лига Европа. „Имавме одлична конекција со Постекоглу. Му реков дека секогаш ќе биде дел од нашата историја и дека ќе се радуваме ако повторно го видиме во клубот“ – рече Леви. „Одлуката за негово заминување беше колективна, не беше мое лично решение. Емоционално беше многу тешко“ – нагласи Леви.
Author: dino
Екипата на Ферари се огласи за прв пат по дисквалификацијата на легендарната патека Ле Ман во трката на издрживост. Возилото на Ферари беше исклучено поради прекршување на техничките правила иако Мигел Молина, Антонио Фуоко и Никлас Никлсен, успеаја да го обезбедат четвртото место на патеката – „Сарт“. Организаторите на трката утврдиле дека техничката поддршка на задните крила на возилото не биле поставени согласно прописите и дека драстично влијаеле на брзината на возилото на отворениот дел од патеката.
Македонските фудбалски претставници првата квалификациска рунда за новата сезона во Конференциската лига ќе ја отворат на гостински терен. Освојувачот на Купот, Вардар, ќе се сретне со Ла Фиорита од Сан Марино. Силекс ќе игра против Дечиќ од Црна Гора. Работнички ќе ги одмери силите со белорускиот Торпедо-Белаз. Првите пресметки ќе бидат на 10 јули а сите наши екипи ќе играат на гостински терен. Реваншите се закажани седум денови подоцна.
Марјан Илиевски утре на средба со новинарите ќе биде промовиран како нов селектор на сениорската кошаркарска репрезентација на Македонија. Илиевски кој е дел од КК Пелистер, паралелно ќе ги извршува функциите. Во неговиот стручен штаб ќе бидат: Боро Даскаловски, Мирко Петрески и Боби Митев. Македонија во август ја очекуваат претквалификациите за СП 2026. Во нашата група се Романија и Унгарија. Во наредната фаза ќе одат првите две селекции.
Фудбалерот на Баерн Минхен, Томас Милер, постигна два од гола во победата против Оукланд со 10:0 во првиот натпревар на Светското клупско првенство. Тој призна дека тимот се забавувал на теренот. „Игравме многу добро. Пристапивме сериозно и покажавме голема желба. По секој гол сакавме да постигнеме повеќе“ – рече Милер. „Се забавувавме и покрај жештината. Стадионот е одличен а теренот беше многу добро подготвен“ – рече ветеранот кој по собирот во САД ќе се раздели со Баварците.
Врвните италијански клубови се фрустрирани од барањата на канадскиот фудбалер, Џонатан Дејвид. Според весникот – „Ла Газета дело Спорт“, напаѓачот сака да добие 15 милиони евра за потпишувањето на договорот и да заработува 5 милиони евра годишно. Затоа Јувентус, Интер и Наполи, ќе се откажат од идејата да го ангажираат најдобриот стрелец на Лил. 25-годишниот напаѓач во последната сезона постигна 16 гола на 32 натпревари.
Винисиус Жуниор зборуваше за желбата на Реал Мадрид да го освои Светското клупско првенство. Неговиот тим во групната фаза ќе игра против Ал-Хилал (18 јуни), Пачука (22 јуни) и Ред Бул Салцбург (27 јуни). „Сакаме да го освоиме првото Светско клупско првенство бидејќи луѓето никогаш не го забораваат првиот турнир. Тоа е единствениот трофеј што Реал Мадрид го нема, па затоа сакаме да го освоиме“ – рече Бразилецот. „Многу е жешко тука. Нашиот прв натпревар е во три часот попладне. Мораме добро да се подготвиме“, рече 24-годишниот крилен напаѓач на „кралевите“.
Англискиот фудбалски состав Лидс го зајакна нападот за новата сезона со ангажман на Лукас Нмеча од екипата на Волфсбург.26-годишникот потпиша договор за две сезони. Тој помина низ академијата на Манчестер Сити пред да се приклучи на германскиот тим во 2021 година. Играчот во еден период имаше настапи за Престон, Мидлсбро и Андерлехт. Минатата сезона одигра 20 натпревари во Бундес-лигата и постигна 3 гола.
Астон Вила може да направи ретко виден потег за да го купи Маркус Рашорд од Манчестер Јунајтед. Наводно, раководството на Бирмингем е решено да го продаде женскиот состав само за да го задржи англискиот репрезентативец, кој беше на позајмица. Таков потег направи Челзи пред една година кога го продаде женскиот тим на инвестицискиот фонд – „BlueCo 22“.
Шефот на тимот на Мекларен во Формула 1, Андреа Стела, го коментираше инцидентот меѓу Ландо Норис и Оскар Пјастри. „ Сигурно не сакаме да видиме два од нашите автомобили да се судрат еден со друг на патеката. Мора да го испитаме инцидентот“ – рече Стела.„Ландо едноставно не го проценил правилно растојанието до автомобилот пред него и затоа го удри Оскар“ – рече Стела.
