Author: dino

Tениската Федерација на Македонија од 10-ти до 14-ти јуни е домаќин на турнирот од „DAVIS CUP Europe Group III“. Покрај нашата репрезентација ќе учествуваат и Ерменија, Малта, Летонија, Црна Гора и Молдавија. Боите на Македонија ќе ги бранат: Калин Ивановски, Берк Бугариќ, Стефан Мицов, Амар Хусеиновиќ и младиот Кристијан Јанев. Во улога на капитен-селектор, ќе биде Горан Шевченко. На денешната средба со новинарите, сите тенисери побараа поддршка од трибините за да се оствари целта и да се обезбеди место во втората група во Девис Купот. Според распоредот, Македонија утре ќе игра со Малта, в среда против Црна Гора, ден потоа…

Read More

Македонската фудбалска репрезентација денеска со почеток од 16:00 часот го игра дуелот против Казахстан на гостински терен во Астана, во рамките од Мундијалските квалификации. Ние сме фаворити погледнато од повеќе аспекти а домаќините ќе се обидат да парираат пред полни трибини. Стадионот кој има вештачка трева и има капацитет од 30.244 седишта веројатно ќе биде исполнет до последното место. Во вториот меч во нашата група, доцна вечер е дербито меѓу Белгија и Велс. Велшаните се лидери со 7 бодови, Македонија има 5, Казахстан 3, Белгија 1 а Лихтенштајн е последен без бод.

Read More

Италијанскиот фудбалски состав Џенова, објави, дека го продолжи договорот со тренерот, Патрик Виеира. 48-годишникот останува во клубот до 30 јуни во 2027 година откако го презеде во ноември во изминатата година. „Имав многу интензивен период откако пристигнав во Џенова. Успеавме да го обезбедиме опстанокот во Серија А “ – рече Виеира. Џенова во најсилната фудбалска конкуренција на Италија ја заврши сезоната 13. место на табелата.

Read More

Фудбалерот на Манчестер Јунајтед, Расмус Хојлунд, нема намера да го напушти составот од Англија иако за неговите услуги е заинтересиран тимот на Интер. Тој во последната сезона одигра 52 меча и постигна скромни 10 голови. „Имам договор до 2030 година,  очекувам да играм за Манчестер Јунајтед. Се радувам на летниот одмор а потоа сум целосно посветен на проектот“ – рече напаѓачот. 22-годишниот Данецот иако не ги исполни очекувањата на навивачите, се надева дека во новата сезона ќе се врати во посакуваната форма.

Read More

Тиџани Рајндерс откако ги помина медицинските тестови во Англија, изјави дека со нетрпение чека да го облече дресот на Манчестер Сити. „Не можев да дочекам да дојде денов. Целта е да се заврши се побрзо и да учествувам на Светското клупско првенство„ – рече Холанѓанецот кој доби времена дозвола да го напушти кампот на „лалињата“ за да ја заврши процедурата за трансферот.   Рајндерс беше купен од италијанскиот Милан за 55 милиони евра но, сумата може да достигне до седумдесет милиони со предвидените бонуси.

Read More

Жоан Пењароја ќе остане на кормилото на кошаркарскиот состав Барселона иако неговиот тим е елиминиран во четвртфиналето на Шпанското првенство од екипата на Уникаха со 2-1 во победи. Тоа го потврди генералниот менаџер на клубот, Хуан Карлос Наваро. „Јасно е дека заврши фантастична работа. Сега ќе работиме на зајакнување на тимот. Беше многу тешка сезона од сите аспекти“ – рече Наваро. Пењароја во претходното лето потпиша двегодишен договор со Каталонците.

Read More
NBA

Центарот на Индијана, Мајлс Тарнер, објасни што тргнало наопаку во вториот натпревар од финалето во НБА лигата против Оклахома. Неговиот тим загуби со 123:107 по што резултатот е нерешен 1-1. „Имаше моменти во нашата игра што не беа добри. Треба повеќе да го напаѓаме кошот. Цела сезона сме еден од најдобрите тимови во рекетот“ – рече кошаркарот. „Имавме само четири или шест поени од рекетот во првото полувреме а тоа не е кошарката на Пејсерси. Кога се обидуваш само со тројки, постојат големи шанси да не ја оствариш целта“ – рече Тарнер.

Read More
NBA

Кошаркарите на Оклахома израмнија во финалната серија против Индијана на 1-1, откако синоќа победија со 123-107. Домаќините победата ја најавија во првото полувреме кога направија двоцифрена предност и успеаја да ја задржат до крајот. Мечот го одбележа МВП-то во тековната сезона, Шеј Гилџус-Александар, кој влезе во историјата на НБА. Тој во првите два меча од финалето постигна 72 коша. Тоа се најмногу поени што некогаш ги постигнал играч во првите два натпревара во трката за титулата.

Read More

Фудбалерот, Џоб Белингем, го облече дресот на Борусија Дортмунд откако германскиот состав му плати 33 милиони евра на англискиот Сандерленд, кој патем кажано, избори учество во Премиер лигата за наредната сезона. Вкупната сума за потписот на помладиот брат на Џуд Белингем кој сега игра за Реал Мадрид а на времето беше во Дортмунд, сигурно ќе биде повисока кога ќе се додадат вообичаените бонуси. Младиот англиски фудбалер пристигнува во редовите на „милионерите“ со вториот најголем трансфер во историјата на клубот.

Read More

Фудбалерот на Португалија, Кристијано Роналдо, поради повреда во 88. минута предвреме го напушти вчерашното финале против Шпанија во најсилниот сегмент од Лигата на нациите. Тој со постигнатиот гол во 61. минута запиша нов рекорд во дресот на Португалија. Роналдо сега дојде до бројката од 138 голови за „европските бразилци“.Tие се израдуваа на пехарот по изведувањето на пенали. Мечот во регуларниот дел и продолженијата заврши нерешено 2:2.

Read More