Ракометарите на Еурофарм Пелистер ја одбранија титулата во домашниот шампионат откако во решавачкиот меч забележаа победа на гостувањето кај Вардар со 32 спрема 30. Во преполниот СЦ Јане Сандански, во прекрасен амбиент достоен за дерби, победникот беше решен во последните секунди кога Манасков реализираше удар од седум метри за плус два што се покажа доволно за пехарот да замине во Битола. Претходно гледавме изедначена игра на двете страни и одлично судење на нашите најдобри интернационалци, Ѓорѓи Начевски и Славе Николов. Кај Вардар се издвоија Борозан со 8 голови и Срдановиќ со седум додека во победничкиот состав Кузмановски постигна 7 а…
Author: dino
Двократниот светски шампион во Мото Гран При, Франческо Банаја, кој вози за Дукати, ги негира објавите дека ќе го носи оделото на Јамаха. Тој во тековната сезона го има трето место по првите седум трки и заостанува 72 поени зад лидерот, Марк Маркез. Италијанецот беше категоричен дека објавите се лажни и дека нема вистина во гласините што го поврзуваат со Јамаха.
Фудбалерот, Жоржињо, потпиша за бразилскиот тим Фламенго. 33-годишниот играч од средниот ред доби дозвола од Арсенал да го раскине договорот пред крајниот рок. Toa ќе му овозможи да игра на Светското клупско првенство кое започнува кон средината на јуни. Италијанскиот репрезентативец кој е роден во Бразил, имаше 78 мечеви за лoндончани. Тој претходно ги бранеше боите на Челзи, Наполи и Верона.
Tренерот на фудбалерите на Брентфорд, Томас Франк, e главниот фаворит да го наследи Постекоглу на клупата на Тотенхем, објавија денеска англиските медиуми. Според Скај Спортс, „пчелите“ нема да му создаваат пречки ако сака да си замине. 51-годишниот Франк го предводи Брентфорд од октомври 2018 година. Во последната сезона го освои десеттото место на табелата. Тој во 317 натпревари има 136 победи, 71 нерешени и 110 порази. „Спарси“ на листата за нов тренер го имаат ставено и Марко Силва од Фулам.
Селекторот на Франција, Дидие Дешамп, се соочува со сериозни прблеми во ростерот пред утрешниот меч со Германија за третото место елитната група во Лигата на Нации. Мечот ќе биде одигран во Штудгарт во попладневниот термин од 15.00 часот. „Триколорите“ останаа без стандардните првотимци, Усман Дембеле и Бредли Баркола. Тие се повредени и се ослободени од кампот на „петлите“. Клемент Ленгле исто така добил повреда и нема да се појави на утрешниот меч против „панцирите“. Ќе потсетиме, во битката за првото место ќе се сретнат Шпанија и Португалија.
Италијанскиот фудбалски состав Интер, објави преку социјалните мрежи дека го обезбедила крилниот напаѓач, Луис Енрике, кој доаѓа од Франција од екипата на Олимпик Марсеј. Бразилецот е второто летно засилување за гигантот од Милано по централниот играч за врска Петар Сучиќ. Договорот е до 2030 година и вреди вкупно 25 милиони евра со бонуси. 23-годишникот ќе добие шанса да настапи на Светското првенство за клубови во текот на летото.
Македонскиот фудбалски репрезентативец, Елиф Елмас, одигра извонреден натпревар против Белгија и влегува меѓу најзаслужните за освоениот бод. „Може да жалиме што не ја победивме Белгија. Во неколку наврати немавме среќа. Имавме две стативи во првото полувреме“ – рече нашиот репрезентативец. „Одигравме на високо ниво и треба да сме задоволни. Одиме на победа против Казахстан. Се надевам дека ќе освоиме три бода“ – беа зборовите на Елмас.
Селекторот на македонската фудбалска репрезентација, Благоја Милевски, вели дека е задоволен од изданието на неговите избраници на квалификацискиот натпревар со Белгија за место на Мундијалот во 2026 година. „Македонија покажа дека има квалитет да се носи со најдобрите репрезентации. Со поддршката од публиката успеавме да освоиме бод против првиот фаворит во нашата група. Сепак овој резултат нема ништо да значи ако не го победиме Казахстан в понеделник“ – истакна Милевски. Во групата води Велс со 7 бодови (3 натпревари), Македонија има 5 (3), Казахстан собра 3 (2), Белгија 1 (1), Лихтештајн нема освоен бод во три меча.
Нашите најдобри фудбалери одиграа нерешено со Белгија 1:1 во третата рунда во квалификациската група „Ј“ за место на Светското првенство во 2026 година. Во прекрасен амбиент на Арената во Скопје, избраниците на селекторот, Благоја Милевски, покажаа храбра и бескомпромисна битка против главниот фаворит во групата предводен од големите ѕвезди, Де Бруин, Лукаку, Муниер, Доку. Гостите иако имаа поголем посед на топката и повеќе од играта, нашите фудбалери успеаја да испарираат и да се изборат за голем бод. Белгија поведе преку Кујпер во 28 минута или само шеесет секунди откако Барди и Алиоски во истиот напад ја погодија левата и десната…
Селекторот на нашата фудбалска репрезентација, Благија Милевски, на официјалната прес-конференција пред утрешниот меч со Белгија најави дека очекува позитивен исход. „Секако дека анализите се направени. Не треба да се зборува за Белгија и за нејзиниот квалитет. Тоа се играчи и тим кој со години наназад се во врвот на Европа. Но, Македонија го давала својот максимум и против вака силни екипи и не гледам причина зошто тоа да не биде така и утре. Секако дека овој јунски период години наназад ни е проблематичен. Напоменав дека тој јунски менталитет мора да го смениме и тимски и индивидуално. Последните неколку дена гледам…
