Младите македонски пливачи Никола Ѓуретановиќ (17 г.) и Петар Цеков (16 г.) испишаа нови рекорди во македонското далечинско пливање. Двајцата млади пливачи имаа одлични настапи на Националното првенство во далечинско пливање. Со нови државни рекорди и второ најдобро време во Европа во своите категории (U18 и U17), овие момци се потврда на одличната работа. Ѓуретановиќ постави апсолутен рекорд на 5 километрисо време 55:10 минути, додека Цеков направи рекорд во категорија 16–17 години со време 55:40 минути.
Author: dino
Фудбалската репрезентација на Белгија денеска ја одржа прес-конференцијата пред утрешниот меч со Македонија во квалификацискиот циклус за Светкото првенство. Селекторот Руди Гарсија на новинарски прашања зборуваше за она што го очекува од својата репрезентација на утрешниот меч. „Сите 26 фудбалери се во добра форма, иако дел од нив имаат различни ситуации во клубовите. Сите се подготвени, има проблеми во јуни поради крајот на сезоната. Сепак, најважно е што сите доаѓаат во Скопје со желба за да победат. Сите кои беа повредени, во моментов се во добра форма. Секогаш е предизвик да се игра на гости, ама ние сме подготвени. Јасно…
Алкалоид на „зелена маса“ го доби победничкиот пехар во Европскиот Куп откако ЕХФ одлучи да го регистрира неодиграниот реванш од финалето против АЕК со службени 10:0 за нашиот тим бидејќи Грците одбија да истрчаат на теренот. Тоа значи дека екипата предводена од тренерот, Кире Лазаров, со две победи 29-25 во Грција и служените 10:0 во реваншот, официјално е прогласена за победник во натпреварувањето под капата на ЕХФ. Во соопштението се наведува дека македонскиот тим ќе биде казнет поради одбивањето да обезбеди доволен број на влезници за гостинските навивачи. АЕК може да поднесе жалба до Апелациониот суд на ЕХФ во рок…
Аурелио Де Лаурентис, првиот човек на новиот шампион на Италија – Наполи, откри дека планира да купи повеќе играчи во текот на летото. Според најавите, 33-годишниот фудбалер од Белгија, Кевин де Бруин, набрзо треба да пристигне во Неапол но, тој нема да биде единственото засилување за новата сезона. „Ќе играме на четири фронта, ќе мора да направиме трансфери. Работиме на пазарот но, сега нема ништо да откријам“ – рече Де Лаурентис.
Фудбалските состави на Милан Јувентус и Интер се заинтересирани за голманот на Италија, Џанлуиџи Донарума но, чуварот на мрежата на ПСЖ, нема намера да го напушти – „Паркот на принцовите“. Тој пред мечот со Норвешка во квалификациите за Светското првенство, јасно стави до знаење дека очекува продолжување на соработката со францускиот состав. „Се чувствувам добро во Париз. Не знам дали мојот агент имал состанок со Интер. Можеби еден ден ќе се вратам во Италија“ – потенцираше Донарума.
Челниците на кошаркарскиот состав Њујорк Никс, активно се обидуваат да пронајдат нов тренер. На нивната листа се наоѓаат повеќе имиња но, Удока и Џејсон Кид, веројатно нема да ја променат средината и затоа отпаѓаат од комбинација. Во прв план се наметнуваат Мајк Браун и Лук Волтон. Браун е слободен откако беше отпуштен од Сакраменто додека Волтон кој помина 6 години како главен тренер на Лејкерси, сега е асистент во тренерскиот штаб на Детроит.
Кошаркарскиот состав од НБА лигата, Сакраменто Кингс, е заинтересиран за Тајус Џонс, велат последните информации од САД. Тимот треба да ја зајакне позицијата плејмејкер а еден од кандидатите е 29-годишниот играч кој ја помина сезоната во Феникс. Тој имаше просек од 10,2 поени, 5,3 асистенции и 2,4 скока за 26,8 минути по натпревар. Џонс во текот на летото ќе биде слободен играч на пазарот а Сакраменто ќе се обиде да го ангажира.
Игор Тудор веројатно ќе остане на кормилото на Јувентус откако „старата дама“ не успеа да го ангажира, Антонио Конте а втората опција, Џан Пјеро Гасперини, се определи да седне на клупата на Рома, велат последните вести од Италија. Хрватот кој беше назначен со времен договор за две години по заминувањето на Тијаго Мота, веројатно ќе го води тимот од Торино и во наредното првенство во Серија „А“ и во Лигата на шампионите. Тој и спортскиот директор на Јуве, Комоли, вчера имале состанок но, деталите уште не се изнесени во јавноста.
Поранешниот германски дефанзивец Матс Хумелс има нова работа како ТВ-коментар на „Amazon Prime Video“ во наредната сезона. Тој ќе биде дел од тимот на „Prime“ за преносите од Лигата на шампионите. 36-годишникот ја заврши кариерата откако играше за италијанскиот тим Рома во изминатата сезона. Претходно со Баерн Минхен и Борусија Дортмунд освои пет титули во Бундес-лигата и три Купа на Германија. Со „панцирите“ ја обезбеди светската титула во 2014 година.
Репрезентацијата на Португалија синоќа ја победи Германија со 2:1 во полуфиналето на Лигата на нации на „Алијанц Арена“ во Минхен. Домаќините поведоа со голот на Флоријан Вирц во 48. минута. Франциско Консеисао погоди за гостите во 63 -та а Кристијано Роналдо го постави конечниот резултат во 68-та минута. Португалија во финалето на Лигата на нации ќе се соочи со победникот од вечерашниот натпревар Шпанија – Франција кој ќе биде одигран во Штудгарт.
