Англискиот фудбалски состав Манчестер Сити покрена тужба против Премиер лигата поради правилата поврзани со спонзорски договори. „Граѓаните“ кои се предмет на истрага поради 115 прекршувања на финансискиот фер-плеј, сега ќе бидат дел од нов судски процес по нивна иницијатива. Сити проценил дека Премиер лигата не треба да ги ограничува договорите туку спонзорите сами треба да одлучат колку ќе инвестираат во некој клуб. Ограничувањата започнаа во 2021 година откако во екипата на Њукасл влезе голем капитал од Саудиска Арабија.
Author: dino
Карлос Алосен е блиску до преселба во Гран Канарија. Шпанскиот кошаркар (23 години, 194 см) дефинитивно ќе го напушти Реал Мадрид. Тој помина четири години кај „белите“. Дефанзивецот во сезонава учествуваше во 18 натпревари во домашната лига со просек од 3,1 кош и 1,8 асистенции. Алосен во Евро-лигата ретко добиваше шанса.
Кошаркарот, Кајри Ирвинг, не крие дека е презадоволен како се одвиваат работите во неговиот клуб во НБА лигата. „Најдобриот дел од мојата кариера се случува во Далас. Имам можност да зборувам од искуство. Кога си млад, премногу брзаш низ животот “ – вели 32-годишниот играч кој втора сезона настапува за Маверикс. Тој има титула со Кливленд а играше и за Бостон и Њујорк. Далас набрзо ќе го стартува финалето во НБА против Бостон.
Поранешниот фудбалер на Реал Мадрид, Дејвид Бекам, се осврна на трансферот на Килијан Мбапе во редовите на шпанскиот гигант. „Тој е одличен фудбалер и личност. Тој се приклучи на голем клуб. Преселбата на Мбапе во Шпанија е посебен момент не само за Реал Мадрид, туку и за Ла Лига“ – изјави Бекам. 25-годишниот француски фудбалер дојде на „Сантијаго Бернабе“ како слободен играч.
Ракометарите на Вардар на 4 јуни во 2017 година за првпат во клупската историја станаа европски шампиони. Тогаш „црвено-црните“ прво ја елиминираа фаворизираната Барселона а потоа во финалето го совладаа ПСЖ со 24-23 со голот во последната секунда на хрватскиот интернационалец, Иван Чупиќ. Вардарци две години подоцна успеаја по втор пат да ја покорат Европа.
Јувентус нема да му плати обештетување на Масимилијано Алегри кој заработи отказ на 17 мај. Двете страни направиле договор и спогодбено ја прекинале соработката. – Сакаме да му се заблагодариме на Алегри за сите успеси постигнати во текот на годините. Му пожелуваме се најдобро во неговите наредни активности“, стои во објавата на „старата дама“ на социјалните мрежи. Алегри во 2021 година по втор пат се активираше во екипата од Торино.
Антонио Конте доколку седне на клупата на Наполи, ќе се обиде да го ангажира напаѓачот, Ромелу Лукаку. Двајцата одлично се познаваат бидејќи соработуваа во екипата на Интер. Корпулентниот голгетер последната сезона ја помина во Рома како позајмен од Челзи. Белгиецот во Серија „А“, постигна 13 голови и направи две асистенции. Тој треба да биде евентуална замена за Виктор Осимен кој е на излезната врата од стадионот – „Диего Армандо Марадона“.
Тренерот на фудбалерите на Арсенал, Микел Артета, верува дека неговиот состав може да биде пред Манчестер Сити и да ја освои најсилната фудбалска лига во Англија. „Мораме да ги надминеме. Има детали кои не ги контролиравме. Затоа останавме без пехарот“ – вели Шпанецот. „Ако се гледа метриката, имаме добри остварувања. Ќе треба извесен период да бидеме подобри од нив“ – потенцираше менаџерот на „топчиите“.
Луѓето од фудбалскиот состав Челзи му забранија на Енцо Фернандез, да настапи за селекцијата на Аргентина на претстојната Олимпијада во Париз. 23-годишниот играч од средниот ред иако имаше желба да игра во Франција, не се најде на списокот на повикани бидејќи доби забрана од неговиот клуб. Фернандез во последната сезона имаше 40 средби за „сините“ на кои постигна седум голови и направи три асистенции.
Рој Џонс Јуниор сака да влезе во рингот за да го замени Мајк Тајсон во борбата со Џејк Пол. „Железниот“ Мајк требаше да се соочи со Пол на 20 јули но, 57-годишниот поранешен шампион во тешка категорија беше принуден да се повлече поради здравствени проблеми. Џонс, кој се бореше со Тајсон во егзибиционен меч во 2020 година последен пат се бореше како професионалец во изминатата година против Ентони Петтис
