Author: dino

NBA

Кошаркарот на Минесота, Ентони Едвардс, ја завршува рехабилитацијата по воспаление на коленото. Според најавите се очекува поентерот да се врати на теренот во еден од наредните два меча. Неговиот тим прво ќе го пречека Детроит а потоа ќе му гостува на Далас. Едвардс одигра 58 натпревари оваа сезона, со просек од 29,5 поени, 5,1 скока, 3,7 асистенции и 1,4 украдени топки.

Read More
NBA

Минесота на мечот со Хјустон го направи најголемиот кам-бек во историјата на кошаркарската НБА лига гледано во продолженијата. Рендл го постигна победничкиот кош со што ја заврши серијата од 15-0 која им овозможи на „Тимбервулвс“ да ја надминат негативата од 13 поени. Во 29 сезони имало 180 мечеви во кои тимовите во продолженијата имале 10 или повеќе кошеви негатива и сите тие натпревари ги завршиле со порази.

Read More

Фудбалерот од средниот ред на Манчестер Сити, Родри, зборуваше за можноста за враќање во Ла Лига и тоа во Реал Мадрид иако на времето настапуваше за градскиот ривал Атлетико. „Фактот што играв за Атлетико не ме спречува да ја разгледам можноста за преселба во Реал. Исто така, ми се допаѓа Премиер лигата, многу е тешка, во моментов сум задоволен од моите перформанси“ – рече Родри. 29-годишникот го облече дресот на англискиот клуб во 2019 година. Неговиот договор е до летото во 2027.

Read More

Англискиот фудбалски состав Арсенал ја истражува можноста за ангажирање на крилниот напаѓач на Пари Сен Жермен, Хвича Кварачелија. Наводно, фудбалерот на ПСЖ е расположен да го напушти стадионот- „Паркот на принцовите“ и да побара нов предизвик во кариерата. Грузиецот во сезонава има постигнато 12 голови и направено седум асистенции.

Read More

Фудбалерот од средниот ред на италијанскиот Интер, Хакан Чалханоглу, ја откри причината за добрите резултати под водство на главниот тренер Кристијан Киву, кој претходно работеше со младинскиот тим на „нероаѕурите“. „Кога почна да работи со нас, сите го прифатија многу брзо. Киву им дава можност на сите да настапат, вклучително и на помладите играчи“ – рече Чалханоглу. Романецот седна на клупата на Интер во изминатиот јуни.

Read More

Напаѓачот на Милан, Рафаел Леао, ги негираше информациите на социјалните мрежи дека на тренинг се расправал со тренерот, Макс Алегри. Португалскиот интернационалец делуваше луто кога беше заменет на дербито со Лацио а потоа беше отстранет од составот за мечот против Торино со објава дека е повреден. Медиумите, пак, објавија сосема поразлична информација дека тренерот не бил задоволен од вложувањето на Леао на тренингот и затоа не го ставил на списокот за мечот со „биковите“.

Read More

Денеска беа одредени полуфиналните двојки за завршниот Ф4 турнир во ракометниот Куп на Македонија во машка конкуренција кој ќе биде реализиран во Струмица.Вечните ривали Вардар и Еурофарм Пелистер се разминаа откако „црвено-црните“ го добија за противник Алкалоид (20 часот) додека Битолчани ќе излезат на мегдан со Охрид од 17.00 часот. Полуфиналните пресметки ќе бидат одиграни на 17 април а големото финале на 19-ти. Пехарот ќе го брани Вардар.

Read More

Одбојкарската федерација на Македонија денеска на средба со новинарите ја најави завршницата на Купот во машка и женска конкуренција која ќе биде реализирана од утре до сабота во СЦ Јане Сандански. Генералниот секретар на ОФМ, Филип Деспотовски и претставниците на сите осум екипи, по четири во двете конкуренции, изразија задоволство што целиот настан повторно ќе биде реализиран во престолнината со атрактивна одбојка. Според програмата, утре ќе бидат одиграни полуфиналните мечеви кај одбојкарките. Од 17.30 часот екипата на Газели Волеј ќе игра со Вардар Ем додека од 19.30 ќе биде финалето пред финале меѓу Наковски Волеј и Младост УГД. Одбојкарите ќе…

Read More

Медиумите во Италија шпекулираат дека тренерот на Рома, Џан Пјеро Гасперини, може пред време да го напушти составот од Рим. Според нив, елиминацијата од европските конкуренции и слабите игри во Серија „А“ може да ги натера челниците на „волчицата“ да размислуваат за ново име на клупата. Од друга страна, Гасперини, јавно потенцираше дека проблемот со повредени играчи влијае на резултатите на теренот. Тој и претходно изјави дека не е задоволен од трансферната политика во Рома.

Read More

Фудбалерот на Арсенал, Езе, ќе мора да биде надвор од теренот најмалку еден месец поради повреда, објавија медиумите во Англија. Тој пред речиси една недела се повреди на мечот со Баер Леверкузен во Лигата на шампионите. Играчот на „топчиите“ во сезонава се појави на 43 мечеви во сите конкуренции со ефект од девет голови и шест асистенции.

Read More