Екипата на Пиза која по 34 години се врати во Серија „А“, го обезбеди на тренерската позиција, Алберто Џилардино. Поранешниот италијански репрезентативец потпиша договор за две сезони со опција за продолжување на уште една. Џиралдино досега има работено во Про Верчели, Сиена и Џенова.
Author: dino
Миле Свилар кој беше прогласен за најдобар голман во Серија „А“ за претходната фудбалска сезона, ќе го продолжи договорот со Рома, објавија медиумите во Италија. Србинот кој има активен договор до 30 јуни во 2027, сега ќе потпише нова соработка за вкупно осум години. Свилар во 51 натпревар во сите конкуренции прими 51 гол а на 19 мечеви ја зачува мрежата недопрена.
Манчестер Јунајтед станува прва опција за напаѓачот на Спортинг, Виктор Ѓокереш, наведуваат медиумите во Англија. Иако Швеѓанецот првично се поврзуваше со трансфер во Арсенал, сега работите може драстично да се променат. Имено, „топчиите“ се повеќе притискаат за Бенџамин Шешко додека Јунајтед не се откажува од варијантата да испрати понуда за напаѓачот на португалскиот состав.
Манчестер Јунајтед во почетокот на јули ќе го реализира трансферот на фудбалерот, Брајан Мбемо. Тој ќе ги помине задолжителните медицинските прегледи и ќе се пресели на стадионот –„Олд Трафорд“. „Црвените ѓаволи“ за потписот на црномурестиот играч ќе треба да платат околу 65 милиони фунти со вклучени бонуси.
Кошаркарскиот состав на Реал Мадрид ќе го промени тренерот и покрај освојувањето на шампионската титула во домашни рамки. Актуелниот селектор на шпанската репрезентација, Серхио Скариоло, ќе стане нов шеф на мадридскиот клуб, пишува инсајдер Матео Андреани. Неговата последна клупска работа беше во Виртус. Со екипата од Болоња го освои Евро-купот во 2022 година.
Генералниот менаџер на Голден Стејт Вориорс, Мајк Данливи, зборуваше за преговорите со кошаркарот, Џонатан Куминга. „Приоритет за двете страни е да постигнат договор што е можно побрзо. На крајот на краиштата, од Куминга зависи дали ќе потпише и дали сака да остане тука“ – рече менаџерот. Куминга регуларниот дел од сезоната во НБА ја заврши со просек од 15,3 поени, 4,6 скока и 2,2 асистенции на 47 натпревари.
Кошаркарот на Бруклин, Егор Демин, вели дека е подготвен да ја покрие секоја позиција иако главната улога му е да биде организатор на нападот. „Целиот живот сум плеј-мејкер но, исто така сум подготвен да направам сè што е потребно за да го направам тимот успешен. Значи, ако тренерот сака да бидам центар, ќе бидам центар, нема проблем“ – рече Демин. „Мислам дека кошарката е место за креативност. За мене е како уметност “ – рече играчот на Бруклин.
Фудбалерот од средината на теренот, Франк Кеси, ги отфрли последните гласини за трансфер во италијанската екипа Рома. Репрезентативецот од средниот ред на Брегот на Слоновата Коска изјави дека ќе остане во саудискиот тим Ал-Ахли уште една година. Деновиве се појави информација дека Рома го планира 28-годишниот Кеси кој има играно во Милан.
Поранешниот тренер на кошаркарите на Далас, Ејвери Џонсон, очекува Маверикс да се вратат на шампионските патеки. „Тимот ќе биде неверојатен откако Кајри Ирвинг ќе оздрави. Тие сè уште го имаат Ентони Дејвис. Ќе го потпишат повторно Даниел Гафорд. Овој тим е изграден да биде еден од најдобрите во лигата“ – вели Џонсон.„ Имаат неколку квалитетни млади играчи кои доаѓаат од клупата. Тие имаат светла иднина“ – рече поранешниот тренер на Далас.
Арсенал отвори преговори со Валенсија за трансфер на централниот дефанзивец Кристијан Москера. „Топџиите“ го гледаат 20-годишниот како идеална замена за Вилијам Салиба или Габриел доколку некој од нив не може да игра. Москера младински репрезентативец на Шпанија. Тој во претходната сезона одигра 90 мечеви за Валенсија.
