Author: dino

Тренерот на фудбалерите на Тотенхем, Ангелос Постекоглу,  трет пат во серија е прогласен за најдобар во Премиер-лигата. Интересно е тоа што тој го добива признанието во почетните три месеци во дебитантската сезона во елитата на Англија. Пред него само Пеп Гвардиола, Јирген Клоп и Антонио Конте имаат таков ефект. Наградата пак, за фудбалер на месец октомври ја доби Мохамед Салах, напаѓачот на Ливерпул.

Read More

Македонија Ѓорче Петров, Воска и Тиквеш влегоа во последниот филтер пред финалето во Националниот Куп. „Лавовите“ го совладаа Силекс со 1-0, Воска со истиот резултат победи против Брегалница Штип додека фудбалерите на Тиквеш по подобро изведување на пенали ја совладаа Брера, натпреварот во регуларниот тек заврши 1-1. Натпреварот меѓу Работнички и Шкупи е одложен бидејќи дождот го потопи теренот на стадионот – „Борис Трајковски“ во Маџари. Мечот ќе се одигра утре на теренот на ФФМ со почеток од 13 часот.

Read More

Атлетико Мадрид денеска на стадионот – „Ванда Метрополитано“ ќе му биде домаќин на Селтик во новата рунда од групната фаза во Лигата на фудбалските шампиони. Тренерот на шпанскиот состав, Диего Симеоне, вели дека максимално го респектира противникот од Шкотска со кој претходно одигра 2-2. „Селтик игра фудбал кој навистина ми се допаѓа. Противникот игра висок пресинг. Мораме да се справиме со тоа“ – вели Симеоне. Феенорд е лидер во групата со 6 бодови, Атлетико досега собра 5 , Лацио 4 а Селтик е последен со 1 бод.

Read More

Менаџерот на фудбалерите на Њукасл, Еди Хау, се соочува со големи кадровски проблеми пред денешното гостување кај Борусија Дортмунд во Лигата на шампионите.  Ден Бирн ќе пропушти најмалку два месеци поради повреда на грбот. Мет Таргет исто така ќе биде надвор од терените околу три месеци. Сандро Тонали е суспендиран на подолг период поради нелегално обложување. Повредени се и Свен Ботман, Џејкоб Марфи, Харви Барнс и Александар Ајзак.

Read More

Тренерот на фудбалерите на Барселона, Чави Ернандез, вели дека екипата не игра на посакуваното ниво но, генерално оди во вистинска насока. „Ги остваруваме целите кои си ги поставивме. Почнавме да работиме во многу тежок период и ја спасивме сезоната. Мораме да ја направиме нашата игра пријатна за око“ – вели Чави.  „Ние сме на половина пат до враќање на големината на Барса. Треба да го вратиме познатиот сјај“ – вели тренерот на Каталонците.

Read More

Фудбалскиот клуб Вардар излезе со соопштение ден по градското дерби со Шкупи, во кое побара санкција кон навивачите на чаирчани, „Шверцери“, за национализам, пиротехника и недолично однесување на трибините. – Како клуб, најостро го осудуваме вчерашното националистичко дивеење на домашните навивачи во населбата Чаир. За време на целиот натпревар, кон нашите фудбалери беа упатувани пиротехнички средства и навреди а покрај тоа на трибините во неколку наврати беа истакнати силни националистички пораки, кои немаат никаква врска со спортот“ – стои во објавата. -Недозволиви беа пораките, со кои се бара Скопје, главниот град на Република Македонија да стане главен град на друга…

Read More

Фудбалерот, Бруно Фернандеш, може да си замине од Манчестер Јунајтед веќе во јануарскиот преоден рок, велат последните шпекулации од Англија. Португалецот не може да ги поднесе сите критики за неговата игра и затоа е решен да го напушти клубот. Негова наредна дестинација би можела да биде Саудиска Арабија. Наводно, во преден план е тимот на Ал Наср а во трката се и Ал Хилал, Ал Ахли и Ал Eтихад.

Read More

Возачот на Ред Бул, Макс Верстапен, ја oствари 17-та сезонска победа во Формула 1 откако беше најбрз на трката за Големата награда на Сао Паоло. Британецот од Мекларен, Ландо Норис, успеа да заврши на второто место додека Фернандо Алонсо од екипата на Астон Мартин го пополни третото место на пиедесталот. Во топ 10 место обезбедија и Перез, Строл, Саинц, Гасли, Хамилтон, Цунода и Окон. Со денешната победа во Бразил, Верстапен има 524 бодови. Втор останува неговиот тимски колега Перез а трет Хамилтон. Последните две трки од шампионатот ќе бидат реализирани во Лас Вегас и Абу Даби.

Read More

Поранешниот шампион во тешка категорија на УФЦ, Френсис Нгану, нема да се жали за поразот од шампионот на ВБЦ во тешка категорија, Тајсон Фјури. Камерунецот иако доминираше на мечот во Ријад, Саудиска Арабија, на крајот победата ја доби Фјури благодарение на судиите. „Каде да поднесам жалба? Британската боксерска комисија? Нема шанси. Тоа е уште еден начин да ме понижат“ – вели Нгану.  

Read More

Челниците на Формула 1 потврдија дека трката за Големата награда на Абу Даби со која ќе заврши сезоната ќе се вози во предвидениот термин. Потврдата од првите луѓе на Ф1 доаѓа по шпекулациите на социјалните мрежи дека трката со која треба да се затвори сезоната ќе биде откажана и тоа поради војната која се случува меѓу Израел и Палестина. Макс Верстапен стигна до третата светска титула. Неговиот тим Ред Бул ја обезбеди титулата кај констукторите.

Read More