Author: dino

Легендарниот, Вејн Руни, вели дека фудбалерите на Манчестер Јунајтед треба да го намалат притисокот врз тренерот Тен Хаг. „ Јас знаев дека ќе имам многу притисок во Бирмингем а Тен Хаг знаеше што го чека во Манчестер Јунајтед“ – вели Руни. „Играчите се тие кои треба да преземат одговорност. Гледам играчи кои не играат на нивото на кое треба да играат“ – вели Руни.

Read More

Фудбалерот на Борусија (Дортмунд), Нико Шлотербек, верува дека елиминацијата на Баерн (Минхен) од Купот на Германија нема да има големо влијание на саботното дерби во Бундес лигата. „Баерн секогаш сака да победува. Тоа е нивниот стил. Елиминацијата не значи ништо“ – рече Шлотербек. „Ова е најголемиот меч во Германија и сите со нетрпение го очекуваат. Подготвени сме“ – изјави Шлотербек.

Read More

Тренерот на фудбалерите на ПСЖ, Луис Енрике, објасни што му треба на Килијан Мбапе за да ја освои наградата  – „Златна топка“. „Покрај неговите одлични индивидуални настапи, мора да освојува трофеи на клупско и национално ниво. Сигурен сум дека ќе освои многу Златни топки“ – изјави Енрике. Мбапе во годинешново рангирање на Франс Фудбал го освои третото место. Наградата заврши по рекорден осми пат во рацете на Лео Меси.

Read More

Раководството на Баерн (Минхен) може да потпише краткорочен договор со поранешниот дефанзивец, Џером Боатенг, пренесува „Билд“. Причина за тоа е повредата што Матијас Де Лихт ја заработи вчера на мечот со Сарбрикен во Купот. Тој ќе биде надвор од терените во период од четири до шест недели. Затоа тренерот, Томас Тухел, нема против 35-годишниот Боатенг времено да биде дел од тимот.

Read More

Голманот на Брајтон, Џејсон Стил, потпиша нов договор до летото во 2026 година, соопштија од Премиер лигата. Стил (33) му се приклучи на Брајтон со слободен трансфер од Сандерленд во летото во 2018 година. Досега за клубот има одиграно 39 натпревари и примено 52 гола. Англичанецот бранеше и за екипите на Мидлсборо, Нортемптон и Блекбурн

Read More

Фудбалскиот состав на Реал Мадрид го продолжи договорот со бразилскиот напаѓач Родриго кој треба да остане на „Сантијаго Бернабе“ до 30 јуни во 2028 година. Тој се активираше кај „кралевите“ во 2019 година и во пет сезони одигра 179 натпревари и постигна 39 голови. Родриго освои еден пехар во ЛШ, Светското клупско, европскиот Супер куп и шпанскиот куп. Тој има и два тројеа од Ла Лига и шпанскиот Супер куп.

Read More

Кале Рованпера откако ја освои втората последователна титула во Рели шампионатот со што се изедначи со Карлос Саинц, Валтер Рогл, Маркус Гренхолм и Мики Биазион, најави дека ќе направи пауза. Според – rallye-magazin.de, тој размислува да земе една година одмор од трките и обемот на работа во „WRC“. Тоа значи дека тимот на Тојота брзо ќе мора да најде замена за светскиот шампион. Кале некое време се жали дека е под огромен стрес и дека е често на работ на исцрпеност.

Read More

Фудбалерот на Ливерпул, Луис Дијаз, не може да се врати во родната Колумбија гледано од безбедносни причини. Тој сакаше да отпатува во Јужна Америка за да биде со семејството но, роднините го убедија да не го прави тоа бидејќи има загриженост дека нема да биде безбеден. Ќе потсетиме дека во неделата неговите родители беа киднапирани. Мајката на играчот била пронајдена од полицијата но, потрагата по таткото е во тек.

Read More

Менаџерот на Арсенал, Микел Артета, проговори за дел од повредените фудбалери кои нема да настапат на претстојните мечеви. „Мораме да бидеме внимателни со Габриел Жесус иако тој сака да се врати што побргу. Томас Парти ќе биде надвор од терените неколку недели“ – вели Артета.  „Топчиите“ утре ќе гостуваат кај Вест Хем во натпревар од четвртото коло во Купот на Англија. Се очекува Артета да истрча со комбиниран состав и да им даде шанса на помладите фудбалери. 

Read More

Лео Меси по осми пат ја освои наградата –„Златна топка“ што ја доделува „Франс фудбал“ на свечена церемонија во Париз. Главен противник на Меси му беше Норвежанецот, Ерлинг Халанд, кој ќе мора да се задоволи со признанието за најдобар голгетер. Аргентинецот кој успеа да се израдува и на пехарот од Светското првенство во Катар, претходно го доби признанието во 2009, 2010, 2011, 2012, 2015, 2019 и 2021 година.

Read More