Author: dino

Селекторот на италијанската фудбалска репрезентација, Роберто Манчини, изјави дека жали што млад играч како Сандро Тонали ја напушта „Чизмата“. Членот на Милан до крајот на летниот преоден рок веројатно ќе замине во Англија во екипата на Њукасл која во наредната ссезона ќе дебитира во Лигата на шампионите. „Жално е што млад играч како Тонали ја напушта Италија. Тоа значи дека има тука проблеми“  – изјави Манчини.

Read More

Еурофарм Пелистер ќе биде во третиот сад кога ќе се формираат групите за наредната сезона во Лигата на ракометните шампиони. Во друштво на битолчани се екипите на Загреб, Целје, Колштад и Порто. Во првиот сад ќе бидат главните фаворити, ПСЖ, Кил, ГОГ, Барселона, Кјелце и Веспрем додека од вториот ќе се влечат: Магдебург, Висла, Монпелје, Алборг и ПИК Сегед. Церемонијата за формирањето на групите ќе биде реализирана на 27 јуни во Виена со почеток во 11.00 часот. Групната фаза почнува на 13/14 септември.

Read More

Македонските тенисерки направија пет победи во исто толку мечеви во Третата европска зона од Били Џин Купот кој се реализира во Скопје на терените на ТК Југ. Тие денеска ја совладаа Молдавија откако ги добија двата меча во сингл што значи дека дуелот во двојки доколку се одигра нема да промени ништо. Во првата пресметка Магдалена Стоилковска славеше против Даниела Чобану со 2-0 во сетови 7-6 и 7-5. Во вториот меч во  поединечна конкуренција, Лина Ѓорческа експресно ја совлада Екатерина Вишневскаја со 2-0 по сетови 7:5 и 6:3.

Read More

Четирикратниот победник на „Тур де Франс“, Крис Фрум, е изоставен од израелскиот тим за најголемата велосипедска трка. На негово место за лидери на тимот беа избрани Канаѓанецот, Мајкл Вудс и Австралиецот Сајмон Кларк. Заедно со нив се: Канаѓаните Џим Бовин и Хуго Але, Австралиецот Ник Шулц, Летонката Крист Нејландс, Новозеланѓанецот Корбин Стронг и Белгиецот, Дилан Тонес. Ќе потсетиме дека 38-годишниот, Фрум победи на „Тур де Франс“ во 2013, 2015, 2016 и 2017 година,

Read More

Фудбалскиот состав, Астон Вила, очекувано го обнови договорот со капитенот Џон Мекгин. Тој потпиша нов четиригодишен договор до 2027 година. „Ова е мојот дом . Веќе пет години сум дел од оваа авантура и не можев да одолеам на уште четири. Навистина сум возбуден што ќе го продолжам проектот“ – изјави 28-годишниот репрезентативец на Шкотска. Мекгин дојде во Астон Вила во летото 2018 година кога беше купен од Хибернијанс.

Read More

Челниците на Баерн Минхен се заинтересирани за играчот од средниот ред на Манчестер Сити, Келвин Филипс. 27-годишниот англиски репрезентативец е резервна варијанта за Баварците за летна селекција. Фудбалерот во летото во 2022-ра пристигна кај „граѓаните“ за 42 милиони фунти од Лидс, но одигра само 12 натпревари. Тој се повреди во првиот дел од сезоната а потоа не успеа да се наметне во тимот.

Read More

Јувентус ќе направи напор да го обезбеди Томас Парти од Арсенал за околу 18 до 20 милиони евра доколку Адриен Рабиот си замине во текот на летово. Фудбалерот од средниот ред на „старата дама“ има договорот до крајот на месецов но, според најавите нема намера да го продолжи. Медиумите наведуваат дека за францускиот интернационалец се заинтересирани неколку екипи од Англија и Германија.

Read More

Првите луѓе на Милан планираат парите од продажбата на Тонали во Њукасл да ги искористат за неколку нови фудбалери. Во преден план е Давиде Фратези од Сасуоло а како опции се појавуваат и Ромелу Лукаку, Рубенс Лофтус –Чик и Кристијан Пулишиќ. Најтешко ќе биде да стигнат до потписот на Лукаку кој е на платниот список на Челзи а игра како позајмен во Интер. Сепак, тимот од „Сан Сиро“ се надева дека со понуда од 40 милиони ќе успее да го ангажира белгискиот напаѓач.

Read More

Челниците на Манчестер Јунајтед сакаат преку фудбалерот, Хари Кејн, да издејствуваат негов трансфер на „Олд Трафорд“. Тие побарале од напаѓачот на „спарси“ да се обиде да го убеди претседателот, Даниел Леви, да го пушти да си замине за помала сума. „Црвените ѓаволи“  не сакаат да платат 100 милиони фунти за репрезентативецот на Англија кој има договор само за уште една сезона.

Read More

Националното здружение на навивачите во Англија спроведе анкета за ВАР технологијата во тамошниот т фудбал. Во неа биле вклучени 9.645 луѓе во март и април. 67,3% од навивачите навеле дека се против ВАР системот во Премиер лигата а 79,1% од тие што редовно одат на натпревари навеле дека нивното искуство со ВАР е „лошо“ или „многу лошо“. Речиси 92% од испитаниците рекле дека донесувањето на судиските одлуки трае предолго а само 26%  се задоволни со ВАР технологијата и ја поддржуваат нејзината употреба.

Read More