Author: dino

Составот на Еурофарм Пелистер во првата фаза  во Лигата на шампионите ќе игра против Кјелце, Пари Сен Жермен, Кил, Алборг, Пик Сегед, ППД Загреб и норвешки Колштад. Тренерот Александар Јовиќ вели дека претстои сезона во која треба гордо и достоинствено да се претстави клубот, Битола и Македонија. „Ние сме во фаза на градење на екипата која ќе игра во Лигата на шампионите и прва мисија ни е да изградиме компетитивен тим. Убеден сум дека со страст, борбеност и квалитет, скапо ќе ја продадеме кожата и достоинствено ќе се претставиме“  – порача тренерот Јовиќ.

Read More

Македонскиот претставник, Дејан Георгиевски, го освои сребрениот медал на Европските игри во Полска откако вечерва во финалето во категоријата над 87 килограми загуби од Британецот, Кејдон Луис Канингам со 2:0. Нашиот натпреварувач во таеквондо на патот до завршниот меч ги совлада: Матиа Молин од Италија со 2-0, Украинецот Андри Харвар со 2-1 и Шпанецот, Иван Гарсија Мартинез. Георгиевски на тековните Игри во Краков успеа да го донесе првиот медал за нашава земја.

Read More

Кирил Лазаров доби место во „Куќата на славните“ на Европската ракометна федерација и стана првиот Македонец кој станал член во „Куќа на славните“ во било кој спорт. Нашиот селектор беше меѓу тројцата десни бекови заедно со Унгарецот, Ласло Наѓ и Исланѓанецот, Олафур Стефансон. На денешната церемонија во Виена се случи превид на организаторите бидејќи за тројцата споменати немаше од статуетките на ЕХФ. Во друштво на Лазаров на свечената церемонија беше и првиот човек на мак-ракометот, Живко Мукаетов.

Read More

Нашиот репрезентативен стопер, Висар Муслиу, од наредната сезона ќе настапува во екипата на Падерборн. Тој откако го напушти нисколигашот Инглштад, сега ќе има можност да се докажува во второлигашката фудбалска конкуренција на Германија. Муслиу потпиша соработка за две сезони но, ќе може да остане и уште една дополнително доколку ја оправда довербата на раководството. 28-годишниот играч претходно беше од екипите на МОЛ Фехервар, Шкендија, Приштина, Вардар и Ренова.

Read More

Извршниот директор на Сасуоло, Џовани Карневали, вели дека Давиде Фратези е многу блиску до трансфер во Интер. Тој потврди дека цената на италијанскиот фудбалер е 40 милиони евра. „ Верувам дека кој ќе дојде прв ќе има најголеми шанси да го направи договорот. Интер досега ги презеде првите чекори“ – вели Карневали. „Самиот играч сака да замине во врвен клуб а ние сакаме тоа да се случи под наши услови“ – вели директорот на Сасуоло.

Read More

Левиот бек на Рома, Леонардо Спинацола добил примамлива понуда од Саудиска Арабија од екипата на Ал-Ахли, тврдат денеска италијанските медиуми. 30-годишниот фудбалер има договор со „волчицата“ до летото во 2024 година но, нема намера да го продолжи. Понудата од 15 милиони евра би можела да ги убеди римјаните да го продадат до крајот на преодниот рок. Тој во претходната сезона одигра 40 натпревари во сите конкуренции со ефект од 2 гола и 6 асистенции.

Read More

Крилниот  фудбалер на Ливерпул, Луис Дијаз, конечно дочека да го добие дресот со број 7 откако Џејмс Милнер ги напушти „црвените“ со слободен трансфер и се пресели во екипата на Брајтон. Колумбиецот претходно во екипата на Порто ја носеше „седумката“ а исто така ја има и на неговиот грб кога настапува за репрезентацијата. Бројот 7 дефинитивно има посебна симболика на стадионот – „Енфилд“ бидејќи го носеа дел од ѕвездите како што се Кени Далглиш и Луис Суарез.

Read More

Младиот фудбалер на Саутемптон, Ромео Лавија, се наоѓа на списокот за трансфери на Челзи, Арсенал, Манчестер Јунајтед и Ливерпул велат денешните информации од Англија. Белгискиот играч од средниот ред имаше одлична сезона со 34 настапи во сите конкуренции. Тој успеа да се запише и во листата на стрелците со што стана првиот фудбалер кој е роден во 2004 година што реализирал во Премиер лигата. Саутемптон  за потписот на 19-ет годишниот играч ќе бара од 40 до 50 милиони фунти.

Read More

Олимпискиот и европски шампион во скок во далечина, Милтиадис Тентоглу, забележа убедлива на Европското Првенство во Хозов, Полска. Грчкиот претставник на стадионот „Шилезија“ го оствари најдобриот резултат во сезонава сo 8,34 m . Европскиот шампион во скок во височина и скок во далечина до 18 години од Ерусалим 2022 година, Матија Фурлани (Италија) ја зазеде втората позиција. Светскиот медалист во скок во далечина, Сајмон Ехамер (Швајцарија) со 7,95 м го пополни третото место на подиумот.

Read More

Напаѓачот на фудбалскиот состав Алмерија, Ел Билал Туре, набрзо  ќе добие понуда да го облече дресот на Милан, велат последните информации. 21-годишниот играч има трансферна вредност од 15-20 милиони евра што не би требало да претставува проблем за италијанскиот тим. Туре во дебитантска сезона за шпанскиот состав одигра 25 мечеви во сите конкуренции. Интернационалецот од Мали успеа да постигне 7 голови и да направи 2 асистенции.

Read More