Јакуб Кивиор кој има мала минутажа во редовите на Арсенал, размислува во текот на зимата да ги напушти редовите на „топчиите“, велат последните информации од Англија. Според нив, 24- годишниот фудбалер кој има само 2 меча од стартот на сезоната и главно ја грее клупата, сака да направи перманентен трансфер. Наводно, за неговите услуги се заинтересирани екипи од Италија, Шпанија и Франција.
Author: dino
35-годишниот Матс Хјумелс, размислува да стави крај на фудбалската кариера, објави доцна синоќа –„Sky Sports Germany“. Дефанзивецот, кој и се приклучи на Рома како слободен играч во текот на летото, досега настапи на само еден натпревар. Дефанзивецот е поранешен фудбалер на Борусија Дортмунд и Баерн Минхен.
Фудбалерот, Роберт Левандовски, е презадоволен како се одвиваат настаните во екипата на Барселона и сака да потпише нов договор кој ќе биде валиден до 2027 година, наведуваат денеска шпанските медиуми. 36-годишниот ветеран има одличен старт на сезоната и досега постигна 19 голови на 17 натпревари во сите конкуренции. Полјакот кој беше купен од Баерн Минхен во 2022 година, досега има 78 гола и 19 асистенции.
Далтон Кнет го одигра најдобриот натпревар во кариерата. Дебитантот во НБА лигата постигна рекордни 37 поени во победата над Јута со 124-118. 23-годишниот кошаркар за 38 минути направи и 5 скока и имаше 1 украдена топка. 17-от пик на драфтот во 2024 година постигна 6 тројки или вкупно 21 поен. Кнет постави нов рекорд за Лејкерси за прецизни удари од далечина а исто така го изедначи и рекордот за дебитанти во НБА.
Ракометарите на Вардар одиграа нерешено на теренот на Валур 34:34 во рамките на 5-то коло во Европската лига на ЕХФ. „Црвено-црните“ се спасија од пораз со успешно изведениот пенал од страна на Срдановиќ во самиот финиш на мечот. Кај домаќинот се издвои Тордарсон со 11 погодоци додека кај Вардар по пет постигнаа: Георгиевски, Хориха, Маргели и Срдановиќ. Резултатот на Исланд и победата на Мелсунген против Порто со 32:27, им оставаат теоретски шанси на нашите ракометари за пласман во наредната фаза. Во последното коло Вардарци ќе играат со Мелсунген додека Порто ќе го пречека Валур. Ракометарите на Мелсунген се убедливо први…
Нашиот фудбалски „бисер“, Елиф Елмас, кој се повреди на мечот со Летонија во Лигата на Нации, нема да игра до крајот на годинава. Лекарските прегледи покажаа дека има скинати мускулни влакна и ќе мора да паузира најмалку четири до шест седмици. Елмас кој настапува за германскиот елитен состав, Лајпциг, има реални шанси да ја промени средината во текот на зимскиот трансфер период. Според одредени шпекулации, за неговиот потпис конкурираат екипи од Турција како и неговиот претходен клуб, Наполи.
Весникот – „Дејли мејл“ повикувајќи се на одредени извори, наведува дека во 2022 година, кога Ливерпул преговарал за продолжување на договорот со Мохамед Салах, тогашниот менаџер, Јирген Клоп, верувал дека Ентони кој играше за Ајакс, може да го замени Египќанецот. Потоа, Бразилецот беше купен од Манчестер Јунајтед а Ливерпул успеа да се договори со Салах за продолжување на соработката. Ентони во сезонава има 2 натпревари во Премиер лигата без гол додека Мохамед има 8 гола и 6 асистенции на 11 натпревари.
Претседателот на Серија А, Луиџи Де Сиерво, зборуваше за воведувањето на технологијата за препознавање лица на стадионот. „Навивачот е значаен дел од шоуто ако не е вклучен во контроверзии и конфликти. Стадионот мора да остане цивилизирано место“ – вели првиот човек на Серија „А“. „Препознавањето на лица е клучен елемент во иднината за да се решат проблемите со проблематичните навивачи“ – вели Сиерво.
Претседателот на Фудбалската федерација на Македонија, Муамед Сејдини, им соопштил на фудбалерите по мечот со Фарски острови дека се повлекува од функцијата. Тој оставката ја доставил пред Управниот одбор кој вечерва одлучил да има Вонредно изборно собрание на 22 декември . Улогата на прв човек на ФФМ, времено ќе ја има потпретседателот, Лазар Ракиџиев. Се претпоставува дека наследник на Сејдини ќе биде Масар Омерагиќ кој и претходно се појавуваше како кандидат за претседател на ФФМ.
Легендарниот фудбалер на Барселона и на репрезентацијата на Шпанија, Жерар Пике, проценува дека помладите генерации не гледаат фудбалски мечеви. „На многу млади им е тешко да седат пред телевизор со часови и да гледаат традиционален фудбалски натпревар. Фудбалот е многу застапен преку видео-игрите“ – вели Пике. „Мислам дека младите го консумираат фудбалот на друг начин. Гледаат рецензии од една или две минути а за коментари и дискусии се обраќаат на социјалните мрежи“ – изјави поранешниот фудбалер.