Кошаркарот на Мемфис, Тај Џером, успеа да го собори клупскиот рекорд на Џа Морант за најмногу постигнати поени на отворањето на сезоната во НБА лигата. Мемфис славеше убедливо против Јута со 123 спрема 103 а Џером стигна и до личен рекорд во кариерата откако забележа 45 поени, 7 скока и 6 асистенции. Новајлијата во тимот на „сонцата“, Камерон Бузер имаше 7 поени, 11 скока и 5 асистенции. Кај противникот се издвои Кејонте Џорџ со 22 коша и 5 асистенции.
Author: dino
Кошаркарот на Торонто, Кавај Ленард, имаше блескава партија на мечот со Чикаго. Тој забележа 23 поени, шест скокови и четири украдени топки а неговиот тим славеше преубедливо со 135-92. „Не можевме да посакаме подобар натпревар. Победивме, демонстриравме одлична тимска работа во одбраната и имавме одлични офанзивни пробиви“ – вели Ленард. „Сè уште учам да играм со моите нови соиграчи, навикнувајќи се на напаѓачките шеми и одбранбените формации“ – потенцираше Ленард.
Лионел Скалони, ќе продолжи да седи на клупата на Аргентина до 2030 година откако ги прифатил условите на челните луѓе на федерацијата. Актуелниот договор на 48-годишниот стратег истекува во декември годинава. Тој ги презеде „гаучосите“ во 2018 година а во 2022-ра ја освои титулата на Светското првенство. Во меѓувреме обезбеди и два трофеја на Копа Америка – во 2021 и 2024 година. Аргентинците на последниот Мундијал во Северна Америка загубија во финалето од Шпанија со минимални 1-0.
Кошаркарот, Бен Симонс, бил на ред да стане капитен на Сакраменто пред да ја скине Ахиловата тетива, објави инсајдерот, Марк Спирс. „Играше толку добро што веројатно беше најдобриот играч на Кингс. Мислам дека Даг Кристи ќе го направи капитен“ – рече Спирс. „Клубот го поддржува на секое ниво – од сопствениците, менаџментот и играчите“ – потенцираше Спирс.
Челниците на кошаркарскиот состав, Лос Анџелес Лејкерс, го избришаа Далтон Кнет од списокот за наредната сезона во НБА лигата. 17-от пик на драфтот во 2024 година имаше добар старт но, неговата улога во тимот постепено се намалуваше. Тој постигнуваше во просек 9,1 поен за 19 минути на теренот но, потоа беше потиснат од Џеј Џеј Редик и добиваше само скромна минутажа.
Екипата на ПСЖ денеска ќе и биде домаќин на Барселона во меч од третото коло во групната фаза во Лигата на фудбалските шампиони. Шпанскиот тим ќе биде без повредените дефанзивци, Жил Кунде и Ерик Гарсија, додека Рафиња ќе му биде на располагање на тренерот Ханси Флик. „Имаме опции. Родри и Френки можат да играат. Жил ќе се врати наскоро, можеби ќе биде подготвен за викендот. Рафиња ќе игра“ – рече Флик.
Двократниот светски шампион во Формула 1, Емерсон Фитипалди, направи паралела помеѓу актуелниот шеф на тимот на Ферари, Фред Васер и легендарниот поранешен шеф , Жан Тод. „Многу добро го познавам Фред од времето кога работевме заедно. Фантастичен е. Има силен карактер и пристап што многу потсетува на Жан Тод. Би било чисто лудило Ферари да го пушти да си замине“ – рече Фитипалди. Во Маранело, тимот цврсто ја изрази својата поддршка за Васер и покрај постојаните шпекулации за неговата иднина.
Кошаркарот на Анадолу Ефес, П.Џ. Дозер, ќе отсуствува 2-3 недели поради повреда на грбот заработена на натпреварот против Жалгирис. Неговото враќање ќе зависи од напредокот на неговото закрепнување во текот на овој период. 2 9-годишниот поентер во досегашниот тек на Евролигата одигра 6 натпревари, постигнувајќи просек од 6,8 поени, 1,8 скока и 1,5 асистенции.
Тренерот на фудбалерите на Борусија Дортмунд, Нико Ковач, пред денешниот меч на теренот на Сабах во 3 коло во Лигата на шампионите, вели дека неговиот тим не е во криза иако на три меча по ред не успеа да забележи победа. „Многу сме далеку од такво нешто. Секако, резултатите не се идеални но, не правиме драма. Моето правило е едноставно: не читам ништо“ – изјави тренерот на „милионерите“. Мечот во Баку ќе започне во 18.45 часот. Азербајџанскиот состав и германците, имаат идентичен ефект по една победа и еден пораз во стартните кола во ЛШ.
Франческо Фариоли верува дека неговиот Порто може да забележи победа на претстојниот дуел против ПСВ Ајндховен во елитата на Европа. „Мислам дека заслуживме повеќе на првите два меча. Игравме добро, но, не ги постигнавме резултатите што ги посакувавме и заслужувавме.“ – рече Фариоли. „Сега имаме можност повторно да играме пред нашите навивачи. Знаеме дека нè очекува исклучително тешка задача“ – потенцираше тренерот на Порто.
