Author: saso

Ал Хилал го објави потписот со голманот на Севиља, Јасин Боно. Според информациите на шпанските медиуми, клубот од Саудиска Арабија за 32-годишниот Мароканец ќе плати 19 милиони евра, а играчот ќе потпише договор за период од 3 години. Боно е во Севиља од септември 2020 година. Заедно со тимот, двапати ја освои Лигата на Европа. Голманот го одигра последниот натпревар за шпанскиот тим во средата на 16 август во финалето на УЕФА Суперкупот против Манчестер Сити (1:1; 5:6 по пенали).

Read More

Капитенот на Челзи, Рис Џејмс се повреди на тренинг и според „Гардијан“ станува збор за мускулен проблем во задниот дел на бутот, повреда која е сериозна и дефанзивецот нема да игра со месеци. Поради ваквата повреда Џејмс ги пропушти последните 7 натпревари од минатата сезона, а неговото потенцијално долго отсуство сега ќе биде многу сериозен проблем за менаџерот Маурисио Покетино. Засега нема точни информации за должината на отсуството на Џејмс, но прогнозите не се оптимистички.

Read More

Нигериската атлетичарка и светска шампионка на 100 метри со пречки, Тоби Амусен, веќе не е под суспензија поради допинг, објави Атлетската единица за интегритет (AIU). Суспензијата е укината на два дена пред почетокот на Светското првенство во Будимпешта и Амусен ќе може да се појави на патеката во вторник. Амусен беше привремено суспендирана во јули поради прекршување на правилата за анти-допинг на местото на живеење за помалку од една година. Дисциплинскиот суд смета дека спортистот „не направил прекршување на антидопинг прописите“.

Read More

НБА лигата утрово го објави распоредот за новата сезона. Шампионот Денвер Нагетс одбраната на титулата ќе ја започне на домашен терен во меч против ЛА Лејкерс на 24 октомври. Исто така на првиот ден од регуларниот дел, Феникс ќе игра на гости кај Голден Стејт. На 25 октомври, Бостон ќе ја посети легендарната арена „Медисон Сквер Гарден“, каде ќе се сретне со Њујорк. Истиот ден, францускиот феномен Виктор Вембањама ќе дебитира во НБА на домашен терен во Сан Антонио против големата европска ѕвезда со подолг стаж во лигата, Лука Дончиќ и неговиот Далас. На 26 октомври, Филаделфија ќе ја отвори…

Read More

Ѕвездата на Манчестер Сити, Кевин де Бруине ќе биде опериран во својата татковина во наредните денови, по што се очекува да паузира околу 4 месеци или речиси до Нова година. Играчот од средниот ред заработи повреда на тетивата на средината на првото полувреме против Барнли минатиот петок и се чинеше дека проблемот е ист како оној од финалето на Лигата на шампионите. „Граѓаните“ оценија дека оперативната интервенција е императив и во овој случај ќе биде извршена во Антверпен, по што Де Бруине ќе започне со закрепнување.

Read More

Нашиот фудбалски шампион Струга ТЛ обезбеди плеј-оф во Конференциската лига на УЕФА, откако синоќа и покрај поразот на гостувањето кај Есперанж во Луксембург од 2:1 ја задржа предноста од првиот меч во Скопје (3:1) и со тоа закажа бараж-двомеч со исландски Бреидаблик за место во групната фаза на ова натпреварување. Тренерот на Струга ТЛ, Шпетим Дуро на прес-конференцијата по мечот не можеше да ја сокрие среќата по пласманот на неговиот тим во плеј-офот. „Чудата на Струга ТЛ сезонава продолжуваат, почнувајќи од шампионската титула во Македонија, па сега до пласманот во плеј-оф фазата од Конференциската лига. Историски ден за нашиот клуб,…

Read More

Глигор Христов ќе биде нов тренер на актуелниот македонски шампион во женска конкуренција, ОК Работнички. Христов се враќа во клубот со кој во 2019 година ја освои двојната круна, а годинава ќе се обиде да му помогне и за што подобро претставување на меѓународната сцена. Работнички во октомври го очекува двомеч со романскиот тим Лугој во рамките на првата рунда од ЦЕВ Челинџ купот. Христов ја презема екипата која ги започна подготовките за новата сезона, а досегашниот прв тренер на тимот Душко Деспотовски ќе остане во стручниот штаб како негов асистент и прв човек на младинските категории во ОК Работнички.

Read More

Македонскиот прволигаш Работнички доведе уште едно засилување за новата сезона. Нов фудбалер на „романтичарите“ е Шафик Кагиму. Станува збор за 24-годишен фудбалер од Уганда кој потпиша двегодишен договор со Работнички. Тој во Скопје доаѓа од шампионот на Кенија, Гор Махиа Најроби и игра на позицијата централен играч за врска. Работнички ќе биде негов прв клуб на европско тло, а за репрезентацијата на Уганда има одиграно 18 натпревари.

Read More

Со дуелот меѓу екипите на Вардар и Струга, денеска од 18:30 часот ќе почне 51. издание на најстариот ракометен турнир во Македонија и еден од најстарите во светот – Меѓународниот турнир „Струга“. Денешната програма ќе донесе уште еден натпревар, оној од 20.40 часот меѓу екипите на Алкалоид и Динамо Панчево. Меѓу двата меча е предвидена и кратка церемонија на свечено отворање. Натпреварите ќе се играат на отвореното игралиште на „Женска плажа“, доколку временските услови го дозволат тоа.

Read More

Рома и официјално го комплетираше трансферот на аргентинскиот играч за врска Леандро Паредес, кој дојде од Пари Сен Жермен, соопшти италијанскиот клуб. „Добредојде повторно дома!“, му порачаа од клубот на Паредес, кој ги бранеше боите на Рома во периодот од 2014 до 2017 година. Светскиот шампион со Аргентина потпиша договор со Рома до 2025 година. “Секогаш е возбудливо да се вратиш во Рома. Им благодарам на навивачите за пречекот и на управата што ме вратија во клубот кој ми даде пат кон Европа“, почара Аргентинецот.

Read More