И Кошаркарската Федерација на Македонија денеска ја објави предлог ранг-листата за распределба на ваучерите за 2023 година. По добиените апликации и бодувањето преку осум критериуми, објавена е листата според која на врвот се наоѓа МЗТ Скопје, а по нив ТФТ, Пелистер и Еуро Никел. Петторангиран е Феникс, а на шестата позиција се наоѓа најтрофејниот македонски кошаркарски клуб, Работнички. Во женска конкуренција, Бадел и Баскет Кам имаат идентично бодување со по 185 бода, пред Вардар со 170 и Крива Паланка со 125 освоени бода. КОМПЛЕТНА ЛИСТА НА СЛЕДНИОТ ЛИНК
Author: saso
Австриецот Винсент Крихмаер за првпат победи на познатиот спуст во Кицбил. Светскиот шампион во спуст ја забележа 15-та победа во Светскиот куп, а трета сезонава, со предност од 0,23 секунди пред Италијанецот Флоријан Шидер, кој изненади у со стартниот број 43 дојде до второто место. Трет беше Швајцарецот Нилс Хинтерман (+0,31). Во поредокот за спуст води Килде со 520 бодови пред Крихмаер (419), а во генералниот пласман води Одермат (1186) пред Килде (861).
Лидерот во англиската Премиер лига – Арсенал и официјално го потврди потписот на белгискиот крилен напаѓач Леандро Тросар од Брајтон за сума од околу 27 милиони фунти, вклучувајќи бонуси. Менаџерот на „топчиите“ Микел Артета сакаше да го ангажира Тросар откако Челзи ги надмудри „топчиите“ за украинското крило Михаило Мудрик. Се очекуваше белгискиот интернационалец да го напушти стадионот „Амекс“ по расправијата со менаџерот Роберто Де Зерби. Сепак, тој нема да му биде на располагање на Артета за дуелот со Манчестер Јунајтед овој викенд, но следниот петок би можел да дебитира против Манчестер Сити во ФА Купот.
Фудбалската федерација на Македонија денесја ја објави изготвената предлог ранг – листата на клубови за добивање на ваучер за 2023 година. Оваа листа веќе е пратена до централната комисија во рамките на Агенцијата за млади и спорт. Најмногу бодови имаат Шкендија и Шкупи (230) бодови, а потоа следува Академија Пандев (225) и ЖФК Скопје (220) бодови. Во ТОП 10 листата се најдоа: 1.ФК ШКЕНДИЈА 230 бода 2.ФК ШКУПИ 230 3.ФК А.ПАНДЕВ 225 4.ЖФК СКОПЈЕ 220 5.ФК МАКЕДОНИЈА ЃП 195 6.ЖФК ТИВЕРИЈА 195 7.ФК СТРУГА ТЛ 195 8.ФК СИЛЕКС 195 9.КМФ ШКУПИ 190 10.ФК РАБОТНИЧКИ 185 КОМПЛЕТНАТА ЛИСТА НА СЛЕДНИОТ ЛИНК
Рафаел Надал ја откри природата на повредата здобиена за време на мечот со американскиот тенисер Мекензи Мекдоналд во второто коло на Австралија Опен. „Направив лекарски преглед по вчерашната повреда. Магнетната резонанца покажа истегнување на мускулот на левата нога. Ме очекува одмор и антиинфламаторна физиотерапија. Нормално време за опоравување е шест до осум недели“, напиша Надал на социјалните мрежи. Надал загуби во 2. коло на Австралија Опен со 4:6, 4:6, 5:7, со што не успеа да ја продолжи битката за одбрана на титулата од минатата година.
Арсенал и Брајтон се во завршни преговори за потписот на Леандро Тросар. Според новинарот на Дејли Мејл, Сами Мокбела, лондонскиот клуб е подготвен да плати околу 20 милиони фунти за играчот, но вредноста на која Брајтон го процени Белгиецот се движи околу 26 милиони фунти. Додека клубовите не се согласат околу цената на 28-годишниот крилен напаѓач, фудбалерот ги прифатил понудените лични услови од Арсенал. Договорот би можел да биде затворен во текот и на денешниот ден. Тросар во случај на трансфер ќе потпише долгорочен договор со „топчиите“.
Барселона синоќа го објави потписот на Лукас Роман, 18-годишен аргентински напаѓач од Феро Карил Оесте, кој во прво време ќе настапува за младинскиот тим на Барселона, чиј тренер е Рафа Маркез. Барса на својата официјална веб-страница објави дека „Барселона и Феро Карил Оесте постигнале договор за трансфер на аргентинскиот играч, кој потпишува до 30 јуни 2026 година со клаузула за предвремен раскин од 400 милиони евра“. Весникот „Оле“ објавува дека „операцијата“ е завршена за 1,1 милиони евра, плус 3,5 милиони за идни остварувања на младиот фудбалер.
Македонската ракометна репрезентација денеска со натпреварот против Алжир (15.30 ч.) ги продолжува настапите на Светското првенство во Полска. Избраниците на Кире Лазаров од денеска ја почнуваат битката за пласман од 25. до 32. место, а прв од трите африкански ривали е тимот против кого досега имаме само еден меч на големите натпреварувања. Македонија и Алжир досега имаат само една пресметка на СП и тоа во Хрватска во 2009 година кога ги победивме со убедливи 32:19. Селекцијата на Алжир, која пред две години во Египет успеа да стигне до главната рунда, победувајќи го Мароко во клучниот натпревар од групата, исто како…
Единаесет од 20-те најбогати клубови во светот играат во Премиер лигата. Ова произлегува од извештајот на ревизорската компанија „Делоит“ објавен на почетокот на оваа година. Манчестер Сити е на врвот на листата со вкупен приход од 731 милион евра за сезоната 2021/22. На втората позиција е Реал Мадрид (713,8 милиони евра), а на третата Ливерпул (701,7 милиони евра). За првпат во историјата, повеќе од половина од клубовите во топ 20 се од Премиер лигата. Ливерпул напредуваше пред Манчестер Јунајтед и се искачи на третото место за првпат во 27-годишната историја на извештајот.
Касемиро поради жолти картони ќе мора го пропушти натпреварот против Арсенал. Ова ќе биде голем пех за Тен Хаг, особено што Бразилецот е еден од фудбалерите кои го кренаа Манчестер Ј. од едноличноста во која тонеше неколку сезони. Касемиро доби опомена во 80. минута на вчерашниот меч од 7. коло на Премиер лигата против Кристал Палас (1:1) поради прекршок над Вилфред Заха. Овој картон беше негова петти во тековната сезона во Премиер лигата, поради што мора да паузира на големото дерби со лидерот во Премиер лигата закажано за в недела.
