Фудбалската асоцијација на Англија ја повика владата да им дозволи на навивачите да се вратат на стадионите во земјата. Администрацијата се надеваше дека ќе дозволи пополнување на околу 25 проценти од капацитетот на објектите во Англија од 1 октомври. Британскиот премиер Борис Џонсон изјави дека овие планови треба да се одложат поради ширењето на коронавирусот во Велика Британија. Сепак, првите луѓе на лигата најавија дека веќе работат заедно за навивачите да се вратат на стадионите. „Успешно тестираме некои настани. Докажавме дека можеме да одржуваме натпревари без да создадеме опасност. Наскоро можеме да се вратиме и да се обединиме со поддршка…
Author: saso
Каталонскиот весник „Спорт“ денеска објави дека Барселона постигнала договор со Лион за трансферот на Мемфис Депај во последниот ден од преодниот рок, но шпанската Ла Лига не дозволила истиот да се реализира. Причина е тоа што Барселона го надминала лимитот за плата договорен како мерка во борбата против финансиската криза предизвикана од пандемијата. 26-годишниот офанзивен играч требаше да пристигне на „Камп Ноу“ за плата од пет милиони евра, со исплата на бонуси од 10 милиони евра доколку се исполнети одредени услови.
Кошаркарките на Сиетл Сторм ја освоија титулата во ВНБА лигата по четвртипат во нивната историја откако во третиот натпревар од финалето го совладаа Лас Вегас со 92-59 и победија со 3:0 во финалната серија одиграна на комплексот на Академија ИМГ во Брадентон, Флорида. Бреана Стјуарт ги предводеше Сторм со 26 поени, додека кај поразените, најефикасна беше најдобрата играчка во регуларниот дел од сезоната, А’ја Вилсон, со 18 поени. Сиетл претходно ја освојуваше титулата во ВНБА лигата во 2004, 2010 и 2018 година.
Играчот за врска на Интер, Жоао Марио синоќа ги мина лекарските прегледи, а денеска ќе потпише договор со Спортинг Лисабон. Португалецот ќе игра на позајмица во Спортинг една година. Марио, кој минатата сезона играше како позајмен во Локомотив Москва, веќе е во својата татковина и е подготвен да го заврши трансферот во Спортинг. Португалскиот клуб ќе плати само околу третина од платата која Жоао Марио ја зема во Интер, додека остатокот ќе му го исплаќаат „нероаѕурите“.
Холандскиот судија Дани Макели од Холандија ќе биде главен судија на утрешниот дуел меѓу Македонија и Косово во полуфиналето на плеј-офот од Лига „Д“ во Лигата на нации. УЕФА ги потврди судиите за утрешниот дуел, а покрај Макели на центарот во Скопје ќе бидат и неговите асистенти, Марио Дикс и Хесел Сетестра. За првпат на дуелот во Скопје ќе биде инсталирана и ВАР технологија која ќе се применува во сличај на потреба.
Рафаел Надал се пласираше во полуфиналето на Ролан Гарос откако доцна синоќа го победи Италијанецот Јаник Синер со 3-0. Шпанецот го победи Италијанецот по два часа и 50 минути борба со 7:6 (4), 6:4, 6:1. Ова за Надал ќе биде 13. полуфинале на Ролан Гарос. Надал во полуфиналето ќе игра против Аргентинецот Диего Шварцман, кој синоќа го победи Доминик Тим од Австрија.
Англискиот второлигаш Нотингем Форест синоќа го назначи Крис Хатон за нов менаџер на тимот, откако претходно му врачи отказ на Сабри Ламуши. Форест ги загуби првите четири натпревари од новата сезона во Чемпионишип лигата, а саботниот пораз од 2:1 од Бристол Сити го стави тимот на 22-то место на табелата, што беше последен сигнал на управата да реагира. Хатон (61) доаѓа со свој прв ангажман откако го напушти Брајтон во 2019 година.
Кошаркарите на Лос Анџелес Лејкерс го совладаа Мајами Хит со 102:96 во четвртиот натпревар од финалето на НБА и поведоа со 3:1. Во интересно финале, фановите на тв-екраните имаа можност да видот едно достојно финале со борбена кошарка од почеток до крај. Леброн Џејмс оствари дабл-дабл со 28 поени и 12 скока со 8 асистенции, а Дејвис имаше 22 поени, 9 скока и 4 асистенции. Кај Мајами, Батлер беше одличен со 22 поени, 10 скока и 9 асистенции, а Хиро имаше 21.
Украинскиот маратонец Сергеј Шевченко е победник на Скопскиот маратон 2020 откако ја помина патеката во време 2:22:49 часа, додека второто место ми припадна на македонскиот атлетичар Дарио Ивановски кој имаше задоцнување од речиси девет минути. Третото место го освои српскиот натпреварувач Кристијан Тошиќ кој патеката ја мина со време 2:39:37 часа. Кај дамите најдобра беше албанската атлетичарка Луиза Гега со време 2:35:34 часа, a второто место и припадна на нашата натпреварувачка Андријана Поп Арсова. Што се однесува до полумаратонската трка во женска и машка конкуренција победија Миљана Ристиќ со време 1:25:31 часа односно Атанас Анчевски со време 1:14.09 часа.
Австриски Салцбург е во „тимски карантин“ и им забрани на своите играчи да учествуваат на натпреварите во репрезентацијата во следните две недели откако тројца играчи беа позитивни на Ковид-19. Салцбург објави дека позитивните резултати се од првата рунда тестови спроведени по натпреварот против израелски Макаби Тел Авив во Лигата на шампионите во среда. Клубот не ги именуваше играчите кои беа ставени во карантин и рече дека сите се асимптоматски.
