Поранешниот фудбалер на Барселона и Арсенал, Силвино ќе биде назначен за нов тренер на Олимпик Лион, објавија француските медиуми. Изминатиот месец Силвињо ја презеде младинската репрезентација на Бразил до 23 години за Олимпијадата во Токио, но според францускиот печат, 45-годишниот стратег веќе е ослободен од оваа позиција и ќе го наследи Бруно Женезио на чело на Олимпик Лион. Тој се согласил со раководството на тимот за двегодишен договор.
Author: saso
Португалскиот стратег Жозе Мурињо изјави дека се надева дека ќе се врати на тренерската работа ова лето. „Имам многу квалитети и еден од нив е да ги почитувам другите клубови и нивните раководства. Никогаш не сум обелоденувал дека некој клуб ме сака и се поврзал со мене. Кога го напуштив Манчестер Јунајтед во декември, веднаш решив да се вратам на работа ова лето”, изјавил Мурињо. „Се надевам дека ќе се вратам на тренерската работа во јули со проект кој навистина ми се допаѓа”, дополнил тој.
Ракометарите на Вардар и Металург остварија очекувани победи на денешните средби од новото коло во Суперлигата. Вардар пред своја публика славеше со 28:20 над екипата на Бутел, додека металург во автокоманда славеше поубедливо над екипата на Пролет со 41:27. Со комбиниран состав Вардар успеа да го совлада солидниот гостински тим на Бутел во меч во кој одлуката се чини падна уште во првиот дел кога Вардар направи разлика од 6 гола. Металург, пак, континуирано ја зголемуваше разликата против пролет за на крајот да обезбеди убедлива победа од 14 гола разлика.
Јуниорите на МЗТ Скопје Аеродром ја освоија шампионската титула во возрасната категорија до 18 години откако во рамки на финалниот натпревар од завршниот турнир ги надиграа противниците од Партизан Мулти Шпед (2). На младите кошаркари не им беа доволни 40 минути за конечна разврска, па шампионот се одлучи во пет минути дополнителна игра. Резултатот односно шампионот се реши во последните неколку секунди зад линијата за три поени од која како победници изегоа младите момци на Горан Крстевски. МЗТ славеше победа со 82-83. Кошаркарот на МЗТ Скопје Аеродром, Виктор Исајлоски, се здоби со признанието најкорисен играч (MVP) на финалето.
По исфрлањето на Палермо од Серија Б, нашиот голгетер Илија Несторовски е на пат да се пресели во нов тим. Според последните информации од Италија, најнов интересент за нашиот репрезентативец е екипата на Парма. Спортскиот директор на Парма Кристијано Фаџајано наводно му порачал на голгетерот дека ако е подготвен да си замине, би бил добродојден во Парма. Покрај Парма, за него има интерес и од Болоња.
Според новинарот на француската „Канал Плус“ телевизија, Филипе Карајон, Реал Мадрид наводно ги започнал преговорите со напаѓачот на Ливерпул, Мохамед Салах. „Зинедин Зидан не сака да го доведе само Еден Aзар во клубот. Постојат одредени контакти меѓу Реал и Мохамед Салах“, тврди Карајон. Во Ливерпул не сакаат да коментираат за евентуално заминување на дел од фудбалерите, особено не пред финалето во ЛШ, но јасно е дека одредени напади на нивните голгетери Салах и Мане може да се очекуваат.
Францускиот фудбалски шампион ПСЖ ќе се обиде да донесе нов италијански чувар на голот за следната сезона. Според информации од Италија, парижани се подготвени да платат 50 милиони евра за голманот на Милан, Џанлуиџи Донарума. Доаѓањето на Донарума во голема мера ќе зависи од пласманот на Милан во првенството оваа сезона. Доколку „росонерите“ не успеат да обезбедат место кое води во Лигата на шампионите, тие речиси сигурно ќе треба да се разделат со некои од најдобрите играчи за да влезат во финансискиот фер-плеј. Ако Донарума, сепак, остане во Милано, втора опција за засилување на голманската позиција е 32-годишниот чувар на…
Напаѓачот на Монако, Радамел Фалкао, може да го напушти клубот во летниот трансфер период. За потписот на колумбискиот репрезентативец се заинтересираа првите луѓе на екипата на Лил. Лил се подготвува за Лигата на шампионите за следната сезона и ќе направи се за да обезбеди добар состав и добар настап.л Николас Пепе, кој сигурно ќе биде продаден ќе мора да се замени со квалитетен напаѓач, па затоа првите луѓе на Лил сметаат на потписот на Колумбиецот.
Кевин Дурант ќе го пропушти вториот натпревар од финалната серија на Западот со Портланд поради повреда. Еден од најдобрите кошаркари на актуелните шампиони, се уште продолжува со рехабилитацијата по повредата која ја доби во полуфиналната серија. Според клупски извори, Дурант денеска ќе оди на нови прегледи кои ќе покажат каква е состојбата со него и кога евентуално би можел да се врати на терените.
Тотенхем е многу близу до ангажирање на првите две нови имиња за следната сезона. Финалистот во ЛШ веќе е во интензивни преговори за ангажман на по еден фудбалер на Барселона и Фулам, објавија британските медиуми. Според информациите, Андре Гомеш, кој ја помина сезоната во Евертон како позајмен од Барселона, ќе премине во Тотенхем со трансфер во вредност од 35 милиони фунти. Вториот нов фудбалер на Спарс ќе биде 18-годишниот Рајан Сесењон од Фулам, за кој лондончани ќе платат 25 милиони фунти.
