Македонскиот фудбалски шампион Шкендија утре ќе го одигра првиот натпревар од второто коло од Лигата на шампионите со ФЦСБ од Романија, а УЕФА ја изврши ждрепката за третото коло. Доколку тетовчани успеат да го минат во двомечот романскиот ривал, во следната рунда од елитното друштво ќе играат со Шелбурн (Ирска) или Карабах (Азербејџан). Натпреварите од 3. коло на Лигата на шампионите се играат на 5/6 август и 12 август. Доколку Шкендија биде елиминирана од ФЦСБ се сели во третото коло на второто клупско натпреварување на Стариот континент. Ждрепката посака Шкендија ако се пресели во ЛЕ, да игра со ФК Копенхаген од Данска или Дрита од Косово. Третото…
Author: dino
24-годишниот фудбалер, Нил Ел Ајануи, потпиша договор со Рома до 2030 година, се пофали доцна синоќа елитниот состав од Рим на социјалните мрежи. Станува збор за млад играч кој е дел од репрезентацијата на Мароко. Тој доаѓа на „Чизмата“ откако италијанците се согласија да му платат 25 милиони евра на францускиот Ленс. Нил во Лига 1 има одиграно 130 натпревари со ефект од 17 голови.
Фудбалскиот состав на Јувентус ќе се раздели со Тимоти Веа и младиот Мбангула за да обезбеди доволно средства за ангажман на Џејдон Санчо. Според најавите, Веа ќе оди во францускиот состав Олимпик Марсеј додека младиот крилен играч има реални шанси да го облече дресот на германскиот Вердер Бремен. Токму приходите од двата трансфера треба да и овозможат на „старата дама“ да го ангажира Санчо. Паралелно, Манчестер Јунајтед ја спушти трансферната сума за неговиот фудбалер на околу 25 милиони евра.
Атлетико Мадрид подготвува понуда за дефанзивецот на Челзи, Ренато Веига, кој во претходната сезона импресионираше во Јувентус но, мораше да се врати на „Стемфорд Бриџ“ откако истече договорот за позајмица. Тој дефинитивно не влегува во плановите на менаџерот на „сините“, Енцо Мареска и затоа ќе мора да бара нова средина. Англичаните се подготвени да го продадат за пониска сума. Шпанците веруваат дека може да ја добијат трката со англиските состави Борнмут и Вулверхемптон кои исто така се заинтересирани за потписот на Португалецот.
Трејси Мекгрејди кој е член на Куќата на славните на НБА, се наврати на минатото кога бил во друштво на легендарниот, Коби Брајант. „Беше неверојатно мудар човек. Имаше навистина добри принципи. Беше клучно за мене да учам од некој што има основа и интелигенција“ – рече Мегрејди. „Можев само да се јавам на бројот и да кажам: „Јо, заглавен сум тука,. Што да правам?“ Тој беше толку дарежлив што го сподели знаењето со мене“ – рече поранешниот кошаркар.
Кошаркарскиот состав Лос Анџелес одлучи да ја прекине соработката со 26-годишниот одбранбен играч, Џордан Годвин (193 см). Неговото заминување и воедно разделбата со Шејк Милтон, треба да им помогне на Лејкерси да ослободат простор за привлекување на Маркус Смарт. Годвин во претходната сезона на 29 натпревари дојде до просек од 5,6 поени, 3,9 скока и 1,4 асистенции за речиси 19 минути поминати на теренот.
Францускиот фудбалер, Пол Погба, кој на времето играше за Манчестер Јунајтед, го критикуваше раководството на тимот за одлуката да се раздели со Маркус Рашфорд. „Лудо е, но среќен сум за него бидејќи тие го отпишаа. Јунајтед губи одличен играч. Штета за нив. За Барселона е одлично, да бидам искрен“ – рече Погба. „Манчестер Јунајтед купи неколку нови играчи а новиот тренер претпоставувам сака да изгради нешто негово“ – потенцираше Погба кој по паузата поради допинг скандалот конечно се врати на терените.
Луѓето од Баерн Минхен ги прекинаа преговорите со Штутгарт за трансфер на младиот Ник Волтемаде иако самиот фудбалер се согласил да ја промени средината. Имено, популарните „шваби“ не ја прифатија и втората понуда од 50 милиони евра + пет како бонуси што ги натера Баварците да тргнат во друг правец. Германскиот гигант сега ќе се насочи кон играчот на Ливерпул, Луис Дијаз, иако и „црвените“ не се расположени да се разделат со Колумбиецот.
Во центарот на вниманието беше величествената Парада на делегациите на која продефилираа спортисти од сите 49 земји учеснички, како и ЕОК тимот на бегалци. Потоа на присутните им се обрати и Претседателката на Македонија, Гордана Силјановска Давкова, која официјално го прогласи фестивалот за отворен. „Голема е честа да се биде земја домаќин на Летниот европски младински олимписки фестивал, на којшто се собраа околу 4.000 спортисти коишто ја манифестираат убавата страна на сегашноста и ја гарантираат светлата иднина на европскиот и на светскиот спорт. Тоа е можност за нашата земја да покаже дека сме добри домаќини, дека имаме спортска душа и…
Челниците на Реал Мадрид стапиле во контакт со луѓето од Ливерпул за да добијат информација околу можен трансфер на фудбалерот, Ибрахим Конате, наведуваат дел од медиумите во Шпанија и Англија. „Белите“ сакаат да ја дознаат сумата што ќе треба да ја платат за дефанзивецот на „црвените“ кој според неофицијални информации, има желба да остане на „Енфилд“. Неговиот активен договор е валиден до летото во 2026 година.
