Македонските пливачи имаа плоден викенд на силниот пливачки турнир „11 Април Гран При“ кој се одржа викендов во Белград. Миа Крстевска исплива со време од 2:21.33 и го освои златниот медал, постави државен рекорд и исполни норма за Европското младинско првенство и Младинската Олимпијада 2018. Покрај Миа, одличен настап имаше и Иван Симоновски кој го освои златниот медал во 100 метри пеперутка со време од 57:65. Стефан Цветковски освои медал во дисциплината 100 метри делфин, а воедно и постави нов национален македонски рекорд во дисциплината 50 метри делфин со време 28,18 секунди. Јана Милковска успеа да се избори за финале…
Author: saso
Тренерот на Манчестер Јунајтед, Жозе Мурињо, е подготвен да го продаде играчот од средниот ред, Пол Погба, во текот на летото, објавија британските весници. Односот меѓу играчот и тренерот е прилично лош, по што многумина шпекулираат дека Погба нема да се задржи уште долго на „Олд Трафорд“. За услугите на францускиот играч од средниот ред е заинтересиран ПСЖ, чии претставници веќе започнале преговори со играчот. Пол Погба ја игра втората сезона во “црвените ѓаволи”, по враќањето од Јувентус. Во тековната сезона во Премиер лигата, Погба постигна 5 гола и имаше 9 асистенции на 22 натпревари.
Попладнево од 18 часот во Будимпешта е се одржи ждрепката за полуфиналните двојки на завршниот турнир од Лигата на шампионите во женска конкуренција. Македонскиот шампион Вардар и оваа година обезбеди место во најдобрата четворка, а денеска со нетрпение ја очекува ждрепката по која ќе го дознае и противникот за полуфиналниот меч на 12 мај во „Ласло Пап Арената“ во Будимпешта. На Ф4 турнирот во ЛШ кај дамите оваа година пласман обезбедија и екипите на Букурешт, Ѓер и Ростов Дон.
Водечките клубови од Европа ќе им се спротивстават на плановите на ФИФА да се зголеми бројот на тимовите кои ќе учествуваат на Светското првенство во 2022 година. „Не сме подготвени да правиме промени во календарот и нема да прифатиме проширување на светското првенство”, изјави Ларс-Кристер Олсон, извршен директор на организацијата на Европските лиги. Претседателот на ФИФА, Џани Инфантино инсистира на светското првенство да учествуваат 48 репрезентации, што значи 16 дополнителни натпреварот и уште четири дена повеќе за спроведување на шампионатот во Катар во 2022 година.
Напаѓачот на Борусија (Д), Мичу Батшуај, изјави дека сезоната за него е завршена. Белгиецот доживеа повреда на глуждот на крајот на рурското дерби со Шалке, кој “жолто-црните” го загубија со 2:0. „Вестите за мене не се добри и веројатно сезоната е завршена. Жалам што нема да можам да одговорам на довербата што Борусија ја има во мене. Ви благодарам за огромната љубов и поддршка која ја добивам. Посакувам се најдобро за своите соиграчи на преостанатите дуели до крајот на сезоната. Ќе се видиме наскоро“, напишал Батшуај на својот Instagram профил.
Голманот на дански Брондби, Фредерик Ренов ќе го напушти тимот на крајот на сезоната и заминува во германската бундеслига. Нов клуб на младиот Ренов ќе биде Ајнтрафт (Ф). Фудбалерот успешно го минал лекарските преглед и потпишал договор со Ајнтрахт”, чии услови се уште не се обелоденети. Голманот ќе му се приклучи на својот нов тим во текот на летото. Оваа сезона, 25-годишниот Данец учествуваше на 29 меча за Брондби, а ќе биде дел и од селекцијата на Данска на СП во Русија.
Бекот на Севиља, Клемент Ленгле следното лето би можел да стане играч на Барселона, тврди каталонскиот весник „Спорт“. Каталонскиот клуб има намера да го купи 22-годишен француски дефанзивец, кој во јануари 2017 година се пресели во шпанскиот шампионат од екипата на Нанси за 4,5 милиони евра. Трансферот на играчот може да ја чини Барса 45 милиони евра, бидејќи ова е сумата во договорот која Севиља ја бара за негово заминување.
Францускиот дефанзивец од екипата на Монако, Џибрил Сидибе, ризикува да го пропушти настапот на светското првенство во Русија по повредата која ја заработи на дербито со ПСЖ во неделата. Како што потврдија извори од клубот, Сидибе има потешка повреда на десното колено. Засега нема точни лекарски извештаи за тежината на повредата, но и за периодот на рехабилитација. Се претпоставува дека за Сидибе ќе бидат потребни најмалку 2 месеци за успешно враќање на терените, а тоа сериозно ги намалува неговите шанси за настап на Мундијалот.
Британската полиција обезбеди посебни заштитни мерки за фудбалскиот судија Мајкл Оливер. По завршувањето на натпреварот од четвртфиналето на Лигата на шампионите меѓу Реал и Јувентус, англиски судија и неговата сопруга беа навредувани и почнаа да добиваат смртни закани. На овој возвратен меч од четврфиналето, Оливер покажа на белата точка во 94. минута од мечот, а Реал (М) со погодок обезбеди место во полуфиналето на Лигата на шампионите. Покрај тоа, Оливер му врачи и црвен картон на голманот на Јувентус, Џиџи Буфон. По објавувањето на телефонскиот број на судијата, тој и неговата сопруга почнаа да добиваат смртни закани.
Играчот од средниот ред на Кристал Палас, Рубен Лофтус-Чик изјави дека не е сигурен во врска со неговото враќање во Челзи откако ќе му истече позајмицата. „Јас дури и не помислив што ќе се случи следната сезона. Прво треба да ги одиграм останатите натпревари. Сегаа сум фокусиран на Кристал Палас. Не сакам уште сега да зборувам за тоа, но се надевам дека ќе најдеме најдобро решение за мојата кариера. Не знам дали се уште сакам да се вратам во Челзи“, изјавил 22-годишниот фудбалер. Тој оваа сезона одигра 20 меча за Кристал Палас во Премиер лигата и постигна еден гол.