Екипата на Арсенал ја оправда фаворитската улога на теренот на Престон и со победа од 3-0 влезе во наредното коло во „Карабао“ Купот на Англија. Головите за „топчиите“ ги постигнаа Габриел Жесус, Итан Нванери и Каи Хаверц. Тимот од Лондон во наредната рудна ќе излезе на мегдан со Кристал Палас кој успеа да ја победи екипата на Астон Вила. Менаџерот на Арсенал, Микел Артета, вели дека се оди според планот. „Победивме и се пласиравме во четвртфиналето. Имавме повеќе прилики и дадовме неверојатни голови. Излеговме со искусни и млади играчи од кои неколку дебитираа“ – вели Артета.
Author: dino
Кошаркарот на Голден Стејт, Дрејмон Грин, го коментираше неговото соочување со играчот на Њу Орлеанс, Зион Вилијамсон. „Беше забавно. Тој стана многу подобар со текот на годините. Може да се забележи дека ја подобри физичката подготвеност и почна посериозно да гледа на играта“ – вели Грин. „ Се гледа дека поминува многу време во теретана. Работи напорно за да стане подобар. Се чини дека ги надмина неговите проблеми и дека станува многу подобар“ – нагласи Грин.
Напаѓачот на Ал Ахли, Иван Тони, одговори на прашањето дали ќе постигне повеќе голови од играчот на Ал Наср, Кристијано Роналдо. „Се надевам, да бидам искрен, не гледам што прават другите. Секако, знаеме дека Роналдо е најдобриот играч но, ќе се фокусирам на мене и ќе го правам тоа што го знам најдобро“, изјави Тони. Тој од почетокот на актуелната сезона настапува за Ал Ахли. Напаѓачот на 10 натпревари, постигна четири гола и имаше две асистенции. Неговиот договор е валиден до крајот на јуни во 2028 година.
Руд Ван Нистелрој во првиот меч како времен тренер на фудбалерите на Манчестер Јунајтед се израдува на убедлива победа против Лестер со 5-2 во рамките на Купот на Англија. Холанѓанецот кој според најавите ќе ја извршува функцијата до доаѓањето на Рубен Аморим, вели дека секогаш ќе биде тука за клубот без разлика на неговата улога. „Тука сум да му помогнам на Манчестер Јунајтед и давам се од мене. Во иднина, во било која улога, тука сум да му помогнам на клубот и тоа никогаш нема да се промени“ – вели Холанѓанецот.
Ракометарите на Алкалоид во третото коло во ЕХФ Купот ќе одат на мегдан со екипата на Вест Виена. По денешната ждрепка во седиштето на ЕХФ беше објавено дека првите мечеви ќе бидат одиграни на 23/24 ноември додека реваншите се на 30 ноември/1 декември. Победниците од тие дуели ќе одат во осминафиналето. Ќе потсетиме дека Алкалоид во првото коло лесно го помина составот на Драгунас Клаипеда.
Менаџерот на фудбалерите на Астон Вила, Унаи Емери, ги анализираше неговите први две години во клубот. Под негово водство, екипата од Бирмингем постигнаа огромен напредок. Минатата сезона заврши четврта а во тековнава за првпат по 42 години игра во Лигата на шампионите. „Се надевам дека ќе се развиваме повеќе. Првата цел ми беше да играм во Европа, да завршам во топ 7. Нареден сон што го имам е да освојам трофеј“ – изјави Емери.
Поранешниот дефанзивец на Манчестер Јунајтед, Гери Невил, изјави дека е загрижен за состојбата на „црвените ѓаволи“ кои по девет одиграни кола се наоаѓаат на 14-та позиција во Премиер-лигата. „Тен Хаг е во лоша ситуација, тие потрошија цело богатство. Имаат натпревар од Карабао купот но, се ќе биде фокусирано на Челзи во следниот викенд“ – вели Невил. „Мислам дека не можат да си дозволат уште еден пораз на Олд Трафорд. Тоа се играчи кои беа донесени главно во изминатите неколку сезони“ – изјави Невил.
Шахистите на Алкалоид убедливо го победија против францускиот „Шартре“ со 5:1 во последното коло на Европскиот Клупски Куп . Алкалоид го заврши настапот со пет победи, два нерешени резултата и без пораз. Екипата на „Нови Бор“ стигна до третата европска титула со 13 бода или еден повеќе од „Алкалоид“. Нашиот состав по трет пат оствари пласман меѓу првите две екипи на Стариот континент. Во 2016 година беше Европски шампионаво а 2017 година го освои второто место.
Марио Исола, шеф на обавувачот на гуми во Формула 1 – „Пирели“, очекува возачите да се обидат со само едно пит-стоп застанување да ја поминат трката за Големата награда на Мексико Сити. „Бевме сведоци на многу оспорувана квалификација. Втора година по ред возач на Ферари стартуваше од пол-позицијата. Сè сугерира дека болидите на Ферари, Ред Бул и Мекларен, ќе бидат изедначени“ – вели Исола. „Најбрзата стратегија е со еден пакет на гуми и користење на тврди и средно тврди. Теоретски, најдобрата опција е да започнете со „Medium“ и да ги промените во „Hard“ помеѓу 35 и 32 круг3 – потенцираше…
Тренерот на фудбалерите на Баер Леверкузен, Чаби Алонсо, признава дека неговиот тим не одиграл според очекувањето на вчерашниот меч кај Вердер Бремен кој заврши 2:2 во рамките на тековното коло во Бундес-лигата. „Бевме премногу меки во одбраната а тоа успеа да го искористи противникот во два наврата и да изедначи. Можеме и мораме да се браниме подобро“ – вели тренерот на „фармацевтите“. „Не ни се случува тоа прв пат во сезонава. Има работи што треба допрва да ги поправиме“ – беа дел од зборовите на Алонсо.