Тренерот на фудбалерите на Ливерпул, Арне Слот, верува дека ќе продолжи одличната серија и на неделното дерби со Арсенал во рамките на 9. коло од Премиер лигата. „Знаеме дека ќе ни биде многу тешко на гостувањето кај Арсенал. Историјата покажува дека мораме да одиграме на победа“ – вели Слот. „Секогаш е тешко да победите кај големите екипи како Арсенал или Сити, но, ние ќе се обидеме в недела да го направиме токму тоа“ – потенцираше Слот на средбата со новинарите.
Author: dino
Дежон Мареј кој дебитираше за екипата на Њу Орлеанс на натпреварот со Чикаго во НБА лигата, заработи скршеница на раката. Кошаркарот кон крајот на мечот лошо падна на теренот и потешко се повреди. Според објавеното, операцијата на левата рака била успешна а кошаркарот ќе се врати на терените за 4-6 недели. Во таборот на Њу Орлеанс и понатаму надвор од стројот остануваат Треј Марфи и Зион Вилијамсон.
Менаџерот на фудбалерите на Манчестер Јунајтед, Ерик тен Хаг, нагласи дека лошите резултати во сезонава се должат на серијата повреди на стандардните првотимци. Во „болницата“ на стадионот – „Олд Трафорд“ се Коби Мајну, Хари Мегваер, Мејсон Маунт, Лук Шо, Лени Јоро, Тајлер Маласија и Џони Еванс. Од вчера им се придружи и Антони кој се повреди на мечот со Фенербахче во Лига Европа. „Да, повредите не спречуваат да го достигнеме посакуваното ниво. Кога ги немате на располагање повеќето фудбалери, тешко може да го креирате најдобриот состав“ – вели тренерот на англискиот состав.
Џејми Карагер кој работи како аналитичар на настаните во фудбалската елита на Англија, го издвои неговиот фаворит за освојување на шампионската титула во тековнава сезона. Поранешниот играч на Ливерпул во колумна за – „Телеграф“ наведе дека Арсенал и Ливерпул нема да ги надминат потешкотиите со кои се соочуват и нема да ја издржат трката за титулата во Премиер-лигата. „Поради оваа причина мојот главен фаворит е Манчестер Сити“, напиша денеска Карагер во неговата колумна за британското онлајн издание.
Фудбалскиот меч меѓу Болоња и Милан кој требаше да се одигра утре е одложен поради поплавите во регионот Емилија Ромања, потврдија денеска челниците на „Серија „А“. Одлуката доаѓа откако градоначалникот на Болоња објави дека стадионот – „Ренато Дел’Ара“ не може да биде домаќин поради поплавите во градот иако тој не беше оштетен. „Ова е необјаснива одлука. Градоначалникот на градот не дозволи натпреварот да се одигра без публика“ – вели претседателот на Милан, Паоло Скарони. Од домашниот тим, пак, се согласуваат со одлуката мечот да биде пролонгиран за друг термин.
Нашата најдобра фудбалска репрезентација прогресираше за три места во последното рангирање на ФИФА. Тоа се должи на гостинските победи против Летонија и Ерменија во рамките на Лигата на нации. Македонија која има 1361 бод, во ноември ја очекуваат последните два меча во Лигата на Нации и тоа на домашен терен со Летонија и Фарски Острови. На врвот, Аргентина останува лидер пред Франција и Шпанија. Во топ 10 се сместени и селекциите на : Англија, Бразил, Белгија, Португалија Холандија Италија и Колумбија.
Фудбалерот на Наполи, Квичи Кварацелија и челниците на тимот, интензивно преговараат за продолжување на соработката, наведуваат медиумите во Италија. Главен проблем во целата ситуација е барањето на Грузиецот за повисока плата. Тој сака да добива најмалку 8 милиони евра по сезона додека луѓето од Наполи му нудат нешто помалку. Кварацелија кој вреди околу 80 милиони на трансфер-пазарот, има тековен договор со италијанскиот состав до летото во 2027 година.
Тренерот на фудбалерите на Рома, Иван Јуриќ, призна дека неговиот тим нема победнички менталитет со оглед на резултатите од почетокот на сезоната. Римјаните се дури на десеттото место во Серија „А“. „Мислам дека одигравме добро на последниот натпревар против Интер но, ни недостига победнички менталитет. Треба да се промениме“ – вели Јуриќ. „Не треба да правиме грешки како на мечот со Монца. На тренинзите добивате победнички менталитет. Ќе мора да работиме на тоа поле“ – вели тренерот на „римската волчица“.
Фудбалерот на Арсенал, Александар Зинченко, се потсети на моментот кога на еден тренинг му изреагирал на менаџерот на Манчестер Сити, Пеп Гвардиола, додека настапуваше за „граѓаните“. „Реков гласно: „Господине! Само направив едно погрешно додавање. Неговата реакција беше неверојатна. Тој рече: „О, во ред, извинете, извинете, господине Зинченко, извинете. Во ред момци, благодарам“. И отиде во соблекувалната. Веднаш знаев дека погрешив, затоа подоцна по мечот му се извинив, откри Зиченко што му се случило на еден од тренинзите на стадионот- „Етихад“.
Фудбалерот на Ливерпул, Тренд Александер Арнолд, може да добие понуда да се пресели во Реал Мадрид во текот на зимскиот-трансфер период, наведуваат денеска дел од медиумите во Шпанија. Наводно, „кралевите“ кои останаа без повредените дефанзивци, Карвахал и Алаба, имаат намера да го ангажираат брзоногиот бек кој може да игра на неколку позиции. Во меѓувреме, 26-годишниот Англичанец се уште не се договорил со Ливерпул за продолжување на соработката која му истекува во летото во 2025 година.