Фудбалерите на Арсенал вчера беа елиминирани од Манчестер Јунајтед во ФА Купот по изведувањето на пенали а нивниот менаџерот, Микел Артета, не крие дека е крајно разочаран. „Неверојатно е како не победивме иако имавме целосна доминација. Имавме толку многу шанси а погодивме само еднаш“ – вели Артета кој ја изрази загриженоста за повредата на Габриел Жесус. „ Сите сме загрижени. Тој чувствуваше силна болка во коленото. Ќе видиме што ќе се случи“ – потенцираше тренерот на „топчиите“.
Author: dino
Дефанзивецот , Симон Кјаер, кој од летото во 2024 година нема клуб, одлучи да стави крај на професионалната кариера. „За одлуката размислував речиси една година пред Европското првенство. Потоа имаше многу причини да видиме што ќе се случи понатаму“ – вели 35-ет годишниот фудбалер кој има играно за данскиот Митјиланд, германскиот Волфсбург, францускиот Лил, шпанската Севилја, турскиот Фенербахче како и за италијанските состави: Палермо, Рома, Аталанта и Милан. Кјаер со Данска го освои третото место на Европското првенство во 2021 година. Тој беше дел и од Мундијалите во 2010, 2018, 2022 а играше и на Европските првенства во 2012, 2021,…
Фудбалерот на Ливерпул, Дарвин Нуњес, може да добие понуда да замине во Саудиска Арабија. Наводно, за неговиот потпис е заинтересиран составот на Ал Хилал. Уругваецот беше купен од Бенфика за вкупни 76,6 милиони фунти. Ал-Хилал сака да го ангажира напаѓачот пред Светското клупско првенство закажано во текот на летото.
Фудбалерот, Ренато Веига, од Челзи влегува во радарот на Борусија Дортмунд, тврди денеска весникот „Кикер“ повикувајќи се на извори од германскиот состав. Веига во 2024 година за 14 милиони евра го напушти швајцарскиот Базел и се пресели на стадионот –„Стемфорд Бриџ“. Тој не успеа да се наметне и има само 18 настапи за „сините“ од Лондон.
Јувентус ќе ја засили одбраната со португалскиот десен бек Алберто Бајо, веста ја објавија италијанските медиуми. 21-годишниот фудбалер настапува во Виторија (Гимараеш). Според одредени шпекулации, „бјанконерите“ за него ќе понудат 15 мил. евра. Португалецот треба да потпише договор на 5 години. Бајо во досегашниот дел од сезоната има еден гол за Виторија.
Еден од челниците на Милан, Златан Ибрахимовиќ, истакна дека нема потреба да го убедува својот поранешен соиграч Маркус Рашфорд да премине во италијанскиот клуб. „ Мислам дека нема потреба да го убедувам бидејќи Милан е меѓу најголемите клубови во светот и сите сакаат да дојдат тука“ – вели Ибра. „Не е лесна операција во моментов, сè уште не сме разговарале со него “, коментираше Ибрахимовиќ
Фудбалерот на Наполи, Хвича Кварацхелија би можел да му се приклучи на Пари Сен Жермен до крајот на работнава седмица, тврдат медиумите во Франција. 23-годишниот играч треба да пристигне во Париз за да ги помине лекарските прегледи и да потпише договор за пет сезони. Грузиецот на – „Паркот на принцовите“ ќе добие далеку поголема плата во однос на тоа што го заработуваше во Наполи.
Манчестер Сити е се поблиску до потписот на узбекистанскиот репрезентативец, Абдукодир Кусанов. Според одредени наводи, „граѓаните“ доставија официјална понуда за дефанзивецот на Ленс во висина од 50 милиони евра. Самиот фудбалер не крие дека сака да работи под диригентската палка на Пеп Гвардиола. Кусанов во сезонава има одиграно 16 натпревари.
Фудбалерот од средниот ред Данило е подготвен да се врати во тимот на Нотингем Форест откако заработи скршеницата на зглобот во месец август, изјави пред новинарите менаџерот, Нуно Еспирито Санто. „Сите сакаме да го видиме Данило на теренот“ – изјави тренерот на англискиот состав пред мечот со Лутон во рамките на на Купот. Неговиот тим со фантастична серија од шест победи, се проби дури на третото место на табелата во Премиер-лигата.
Пола Редклиф верува дека олимписката шампионка на 800 метри од Игрите во Париз, Кили Хоџкинсон, ќе има забележителни резултати и во 2025 година. Британската атлетичарка има намера да го повтори успехот на светските првенства во сала и на отворено кои ќе бидат реализирани во Нанџинг и Токио. „Таа е толку силна психички и физички што забораваме колку е млада и дека сè уште расте и има огромен потенцијал“ – вели Редклиф.
