Author: dino

Вилијамс го објави датумот на кој ќе го претстави  болидот за сезоната 2025 во Формула 1.  Тоа ќе се случи на 14 февруари. Вилијамс во новиот шампионат ќе ги има возачите,  Алекс Албон и Карлос Саинц, кој доаѓа од Ферари. „Извесно време работиме на болидот и едвај чекаме да го видиме на дело во Силверстоун на 14 февруари“ – изјави тимскиот шеф, Џејмс Волс.

Read More
NBA

Александар Сар од екипата на Вашингтон го има првото место во рангирањето кај дебитантите во кошаркарската НБА лига. Тој имаше одлични партии во декември кога беше прогласен за најдобар меѓу дебитантите пред големите фаворити Виктор Вембањама и Чет Холмгрен.   Претходно, на првото место беа Џеред Мекејн од Филаделфија (три пати),  Стефон од Сан Антонио (два пати), Ив Миси од Њу Орлеанс (еднаш) и Зак Еди и Џејлен Велс од екипата на Мемфис.  

Read More

Луѓето од Баерн Минхен планираат да го анагажираат 26-годишниот центарфор на Спортинг Лисабон, Виктор Ѓокерес. Клубот од Минхен испратил скаути да ја гледаат играта на шведскиот фудбалер кој им оставил одличен впечаток. Тој во сезонава учествуваше на 29 натпревари во сите конкуренции со ефект од 31 гол и шест асистенции. Напаѓачот има договор со португалскиот тим до летото во 2028 година.

Read More

Tренерот на фудбалерите на Баер Леверкузен, Чаби Алонсо, откри детали за повредата на Гранит Џака. Швајцарскиот интернационалец го повреди зглобот и времено беше надвор од тимот. „Утре ќе одлучиме. Ни треба уште малку време“ –  изјави Алонсо пред утрешниот натпревар со Борусија (Дортмунд) во Бундес лигата. „Малку го искриви скочниот зглоб но, има уште надеж. Има уште повеќе од 24 часа до натпреварот, мора да почекаме“ – изјави тренерот на „фармацевтите“.

Read More
NBA

Кошаркарот на Милвоки, Крис Мидлтон, проценува дека неговото влегување од клупата за резерви може да биде многу корисно за тимот. „Со оглед на моите ограничувања и начинот на кој се одвива ротацијата, веројатно е подобро да влезам од клупата за да одиграм позначајни минути“ – вели играчот од НБА. „Знам каков играч сум. Јас сум сигурен во овој тим, сигурен сум во себе и ова е улогата што треба да ја одиграм во моментов“ – рече поентерот на Милвоки.

Read More

Англискиот фудбалски состав Саутемптон, денеска го објави трансферот на 18-годишниот Јоаким Санда. Францускиот играч го напушти Валенсиен и потпиша договор со „светците“ до летото во 2029 година. Tој во дресот на досегашниот состав има одиграно 37 натпревари во различни конкуренции. Санда беше капитен на селекцијата на „Галските петли“  која во 2023 година на Светското првенство У17 влезе во големото финале.

Read More

Фудбалскиот состав, Астон Вила, го претстави специјалниот дрес во чест на 150-годишнината на клубот. Дизајнот што го направи – „Адидас“ е црн и инспириран од првиот дрес на Астон Вила – пред англискиот состав да се префрли на модерните бои – бордо и сино. Комплетот сега е целосно црн додека црвено-златниот амблем на клубот има тркалезна форма. Фудбалерите на Астон Вила в петок против Вест Хем во ФА Купот ќе излезат на теренот во новите дресови

Read More

Македонската машка ракометна репрезентација вечерва загуби во пријателски меч од Хрватска со 27:25 во Арената во Вараждин. По одличниот прв дел кога блескаше голманот Митревски и успеавме да направиме предност од 14:13, Хрватска одигра далеку подобро во вторите 30 минути и на крајот успеа да дојде до победата. Во нашиот табор Атанасијевиќ имаше пет голови, Костески постигна четири а Кузмановски и Серафимов по три. Македонија во првото коло на Мундијалот на 15-ти јануари ќе игра против Унгарија токму во Вараждин.

Read More

Фудбалерот на Интер, Хоакин Кореа, кој има проблеми со потколеницата, денеска беше на дополнителни прегледи, потврди преку соопштение составот од Милано. „30-годишникот беше подложен на медицински тестови во Институтот Хуманитас во Роцано. Тој страда од истегнување на мускулот на левата потколеница. Неговата состојба ќе се проценува на дневна основа” – се вели во соопштението на „нероаѕурите“. Ќе потсетиме дека Кореа последниот меч во Серија „А“ го одигра против Парма на 6 декември.

Read More

Тренерот на Борусија Дортмунд, Нури Сахин, откри дека дефанзивците, Валдемар Антон и Алмугера Кабар се болни и дека се под знак прашалник за петочниот натпревар против Баер Леверкузен. „Малку сме зафатени од бранот на грип, ќе треба да почекаме и да видиме“ – рече Сахин на прес-конференција пред натпреварот со „фармацевтите“. Во неговиот тим ќе го нема Никлас Шуле поради повреда и играчот од средниот ред, Паскал Грос, кој на претходниот меч заработи црвен картон.  

Read More